Komemora Tinan 41 Transferensia ASDT ba Fretilin, Alkatiri: “Anin no Udan Bele Boot Xanana-Fretilin Metin”

DILI - Iha komemorasaun tinan 41 transferensia ASDT ba Fretilin, Sekertariu Jeral Fertilin Mari Alkatiri, deklara anin no udan bele boot, maibe Xanana no Fretilin metin hodi lori povu ba dalan dezenvolvimentu.

Komemorasaun tinan 41 transferensia ASDT ba Fretilin nee realize iha Comite Central Fretilin (CCF), partisipa husi Primeiru Ministru Rui Maria de Araujo ho nia membru Governu, eis Membru CCF Kay Rala Xanana Gusmão, Prezidente Partidu Fretilin Fansisco Guterres Lu-Olo, Sekertariu Jeral Fertilin Mari Alkatiri, Deputadus Fretilin, Veteranus, Lideres no intelektuais Fretilin, inklui militants no sinpatizantes Fretilin nia.

Iha biban nee Fundador ASDT ba Fretilin Mari Alkatiri hateten transferensia ASDT ba Fretiiln agora halo ona tinan 41, maibe dezafiu boot ba prosesu dezenvolvimentu tomak, neduni sira nia hanoin katak tempu ida neebe halibur atu hahu.

Tamba nee ohin ho prezensa Xanana Gusmao nia iha nee, hatudu momos katak Tasi bele Boot, anin bele boot, maibe dalan ida nee maka ita sei tuir atu lori povu ba dalan dezenvolvimentu,” hateten Alkatiri, liu husi komemorasaun tinan 41 trasfernsia ASDT ba Fretilin, iha CCF, Comoro, Dili, Sesta (11/09/2015).

Nia hatutan biar tinan 41 ona sira husik hela ba kotuk, agora tenki ho konsiensia tomak tenki rekonese katak hakarak hateke ba oin, tempu naruk liu sei mai bele kumpri sira nia obrigasaun obrigasaun no dever.

Iha fatin hanesan Eis Membru CCF Xanana Gusmao hateten nia segundu ves mai iha Asembleia Fretilin, kontenti tamba maluk barak S1, S2, maibe Estres maka nia.

Nee hare husi sira nia almamater husi Universidade neebe sira estuda, maibe hau nia almamater politika maka Fretilin, tamba hau Setembru, enkontu Fretilin selebra 41 anus, maibe hau iha setembru 1975 maka tama membru CCF, atu lembra karik 40 anus kotuk ba hau simu mos knar,”hateten Xanana.

Nunee mos Prezidente Partidu Fretilin Fransisco Guterres Lu-Olo hateten jerasaun Timor Leste ida liu ona no sai rai rahun no ahukedesan. Informasaun kompletu iha STL Jornal no STL Web, edisaun Sabado, (12/9/2015). Ekipa STL 

Suara Timor Lorosae