Paixao Hatoo Dezemvolvimentu F-FDTL ba PR Taur

DILI – Brigadeiu Jeneral Filomeno Paixao hatoo dezemvolvimentu F-FDTL ba Presidente Republika Taur Matan Ruak, iha Palasiu Presidente Republika Nicolau Lobato, Dili.

Hau mai koalia dezemvolvimentu F-FDTL nian hanesan normalmente ba ita nia Presidente Republika, I Senhor Jeneral Lere Anan Timor la mai, tamba ba reuniaun SENFA nian iha Maputu,” dehan Brigadieru Filomeno, ba jornalista sira hafoin remata enkontru iha Palasiu PR Nicolau Lobato, Dili, Tersa (27/04/2016).

Iha biban nee mos Brigadeiru Jeneral Filomeno informa ba Presidente Republika Taur Matan Ruak ba problema servisu komponente naval nian ba iha manutensaun ba barku.

Iha parte seluk membru PN husi bankada CNRT Agostinho Lay hatete, ekipamentu hanesan ro tenke halo manutensaun, tamba roo nee imporntante tebes atu halo patrulla iha tasi laran.

Nia hatete, iha roo ba PNTL no F-FDTL, maibee roo boot ida F-FDTL nian para hela iha Behau neeba lauja too ohin loron, tamba aat.

Entertantu ekontru Brigadieru Jeneral Filomeno Paixao ho Presidente Republika Taur Matan Ruak, iha Palasiu Presidente Nicolau Lobato, Dili, hahu iha tuku 9:00 OTL no remata iha tuku 10:00 OTL. Informasaun kompletu iha STL Jornal no STL Web, edisaun Kinta (28/4/2016).  Carme Ximenes

Suara Timor Lorosae