CPLP sai instrumentu ba manutensaun Timor hanesan estadu soberanu – Ramos-Horta

Prezidente antigu timorense José Ramos-Horta afirma horisehik, iha Coimbra, katak Komunidade Nasaun Lia-Portugés (CPLP) hanesan “instrumentu seguransa ba manutensaun” Timor-Leste hanesan Estadu independente no soberanu.

José Ramos-Horta, ne’ebé hala’o diskusu ida iha eventu ne’ebé promove hosi Universidade Coimbra, haktuir katak “Timor bele ona integra ba ASEAN [Assosiasaun Nasoens Sudeste Aziátiku] iha tinan 2017 ka tinan 2018, reforsa  ninia“aksaun diplomátika iha rejiaun”.

Tanba ne’e, maski iha posibilidade ne’e, CPLP “kontinua sai importante tebes”, liliu  ba “preservasaun no konsolidasaun ba identidade espesífika Timor-Leste nian”, hatete eis-prezidente Timor-Leste, ne’ebé simu, hamutuk ho bispu Ximenes Belo, Prémio Nobel da Paz iha 1996.

Ramos-Horta rekorda  horisehik iha Coimbra, iha sessaun evokativu tinan 20 hosi ninia Nobel, katak Portugál, nomós nasaun afrikanu ho lia-portugés no Brazil, “ajuda mantein kestaun Timor-Lestenian  iha ajenda”, Nasoins Unidas, afirma papel desizivu hois António Guterres atu konvense iha tempu ne’ebá Prezidente Estadu Unidus, Bill Clinton, “atu asume pozisaun ida”. 


Eis-Prezidente Timor-Leste hato’o diskursu hafoin ezibisaun dokumentariu ida hosi jornalista Max Sthal, ne’ebé aborda papel lian iha konstrusaun ba nasaun no iha posibilidade bele hatene difikuldade penetrasaun lian portugés iha sosiedade timorense.

Maski lian portugés sai ona iha papel ida importante iha rezisténsia kontra okupasaun indonézia, ohin loron lian indonezíu marka ona prezensa  bo’ot ida, liuhosi influénsia maka’as televizaun nian, nota  Ramos-Horta.

Maski nune’e, Prémio Nobel da Paz afirma katak evolusaun prezensa lian nian labele halo "iha tinan lima ka sanulu ", rekorda katak, karik iha 1974 "menus 10% ne’ebé koa’lia  portugés", ohin loron iha  23%.

Iha espésie balansu durante tinan 16 independénsia Timor nian, Ramos-Horta refere konkista oioin ne’ebé konsege menus hosi dekada rua.

Mortalidade ba labarik “tu’un liu ba 50%”, esperansa media iha vida ne’ebé liu tinan 50 iha 1999 ba besik tinan 70, laiha pena ho mate nein  prizaun perpétua, ba minoria étnika sira laiha diskriminasaun no karik tinan 2002 iha médiku timoroan 19, agora rejista besik rihun, 700  hosi sira  formdu iha Cuba, nia hatutan.

Ramos-Horta hala’o diskursu iha sessaun evokativu hosi Universidade Coimbra ba tinan 25  massakre Santa Kruz no tinan 20 Nobel da Paz atribuí  ba bispu Ximenes Belo no José Ramos-Horta.

Iha eventu, ne’ebé hala’o iha Teatro Académico Gil Vicente (TAGV), partisipa moos hosi bispu katóliku Ximenes Belo no ministru Adjuntu Eduardo Cabrita.

SAPO TL ho Lusa