SOSIEDADE SIVIL FIAR, GOVERNU EZEKUTA OJE 2017 SE LA TUIR TARJETU

Sosiedade Sivil fiar katak, Governu  sei ezekuta Orsamentu Jeral Estadu (OJE) tinan 2017 ho montante US$ 1.4 bilioens la tuir tarjetu, tanba orsamentu ne’e valor bo’ot liu.

“Ita   hotu  hatene  ona kapasidade ezekusaun ne’e ladun progresivu, ladun la’o diak. Entaun  ami sempre dehan diak liu foti osan  oituan tuir  ita ninia kapasidade ezekusaun para  bele hatudu ninia kualidade. Ami mós  hare’e tinan  oin ezekusaun  ne’e sei limitadu, hotu-hotu fokus liu ba eleisaun jeral, ema barak mak ba halo kampanha  no konsilidasaun,  entaun konsentrasaun ba fokus ezekuasaun  ne’e tempu  ne’e sei limitadu,”esplika Diretor Ezekutivu, Luta Hamutuk, Mericio Akara, ba  jornalista, iha  ninia knaar fatin Farol Dili, Segunda (12/12).

Nia hatutan,  seluk fali  rendimentu Bayu undan mós komesa  menus,  diak liu foti  orsamentu  fundu  minarai  ne’e tenki redus.  “Se foti osan  husi fundu minarai bazeia ba lei 3%,   so bele foti deit maximu  ne’e 500 juta, mas agora realidade  ne’e sira  (Governu) foti 1.1 bilioens, entaun doubru,’dehan nia.

Nia dehan, antes  ne’e  Governu liu husi   Primeiru Ministru (PM) Rui Maria de Araújo, hateten, OJE tinan 2017 sei reduz ba US$ 1.2 bilioens, tanba  razaun tinan 2017 tinan eleisaun, bainhira  tau osan maka’as sei impaktu ba ezekusaun. Maibe realidade oin seluk.

“Ami hanesan rekomendasaun, maibe agora ida ne’e PM mak tenki fo esplikasaun klean, tanbasa mak bele muda?  nuda’ar  XefiGovernu lolos nia bele mantein ninia pozisaun, labele fo espasu atu ema  halo presaun impoin atu hasa’e  OJE. Ne’ebé ba ida  ne’e ami hein PM ninia esplikasaun deit. Agora PN dirasaun politika ne’ebé hanoin  bainhira maioria aprova  liu ona,”hateten Mericio Akara. avi

Jornal Nacional