Governu
tenki esplika ba públika konaba, eis Ministra Finansas (FM), Emilia Pires halai
ses husi justisa, tanba iha momentu ne’ebá, Emilia Pires hetan autorizasaun
hodi reprezenta Estadu sai ba rai liur atu hala’o atividade Estadu nian.
Prezidenti
interinu Partidu Demokrátiku (PD), Adriano do Nascimento dehan, alénde
Governu, kazu Emilia Pires ne’e, Ministériu Públiku ho tribunal mós tenki
responsabiliza.
“Parte
Governu tenki esplika, tanba naton nia ba ne’e, reprezenta Estadu hodi tuir
enkontru internasionál depois lakohi fila mai,” katak Adriano do Nascimento ba
jornalista sira iha Palácio Prezidensial Nicolau Lobato Aitarak Laran Díli,
Tersa (13/12).
Adriano
afirma katak, kuandu Emilia la fila mai ona, entaun Governu tenki esplika ba
públiku, tanba Emilia reprezenta Estadu ba rai liur hodi hala’o atividade
Estadu nian.
“PD
preokupa konaba implementasaun lei, no preokupa ba kredibilidade justisa iha
Timor Leste. Sé bo’ot ida sai ba rai liur lakohi fila, satan nega sidadania,
ida ne’e preokupasaun ba aban bainrua nian,” katak Adriano.
Eis
Primeiru Vise Prezidenti Parlamentu ne’e hatutan, tuir loloos bo’ot sira mak
tenki hatudu ba povu katak, sala ne’e sala duni, i lós ne’e, lós duni.
“Ha’u
espera katak, Governu sei bele konvense Emilia Pires atu fila, tribunal li-liu
Ministériu Públiku bele buka mekanismu para Emilia Pires fila,” tenik Adriano.
Maibé
Adriano fiar katak, Emilia sei fila mai TL, no hanesan sidadaun ida, nia la
simu atu Emilia Pires husu nia kazu ne’e tenki julga fali iha Portugal, i
lideransa sira mak tenki dignifika instituisaun Estadu sira iha TL.
Alénde
ne’e, Adjuntu Sekretáriu Jeral FRETILIN, José Reis mós dehan, kazu ida ne’e
(Emilia Pires), komplikadu oituan.
“Ita
fó ba instituisaun kompetente atu haree, no tenki haree mós atu kazu ne’e bele
julga iha Portugal ka iha ne’e, ida ne’e kompeténsia instituisaun kompetente
nian atu haree,” katak José Reis.
Tanba
José Reis dehan, prosesu ba kazu ida ne’e, hahú tiha ona, maibé to’o ikus mosu
fali problema hanesan ne’e, entaun instituisaun kompetente mak tenki haree.
“Ikus
mai nia ba fali rai liur mak la julga, mas kazu ida ne’e tenki haree atu
rezolve halo nusa,” dehan José Reis.cos
Jornal
Nacional
Sem comentários:
Enviar um comentário