Francisco
Guterres Lu-Olo sai hanesan kandidatu ne'ebé hetan liu votu iha komunidade
timoroan sira ne'ebé resensiadu iha sidade australianu sira Darwin ho Sydney
iha eleisaun prezidensial sira ne'ebé halo iha loron-segunda ne'e, haktuir hosi
informasaun sira ne'ebé fó hosi fonte eleitoral ba Lusa.
Eleisaun
sira loron-segunda ne'e hanesan eleisaun dahuluk sira ne'ebé ema timoroan sira
iha estranjeiru bele vota, liuliu iha sidade australianu sira Darwin ho Sydney
no iha kapital portugeza, Lisboa.
To'o
agora hatene de'it informasaun total hosi Darwin ne'ebé vota ona eleitor
inskritu na'in 168 hosi na'in 228 no ne'ebé maka Francisco Guterres Lu-Olo
hetan votu hamutuk 79, aas liu votu 58 ne'ebé maka hetan hosi António da
Conceição.
José
Luis Guterres hanesan kandidatu datoluk ne'ebé hetan liu votu, ho votu hamutuk
11, tuir Luis Tilman ho votu ualu, António Maher Lopes ho votu haat, Amorim
Vieira ho votu tolu, Angela Freitas ho votu rua no José Neves ho votu ida,
rejista mós votu nolu rua.
Iha
Sydney, votua de'it eleitor inskritu na'in 78 hosi eleitor na'in 658, Francisco
Guterres Lu-Olo hetan votu hamutuk 48, no seidauk hatene tan informasaun seluk
kona-ba apoiu ba kandidatu sira seluk.
SAPO
TL ho Lusa
Sem comentários:
Enviar um comentário