Hahú prosesu kontajen iha munisípiu timoroan hamutuk 13

Fatin votasaun dahuluk sira hahú ona ho kontajen votu sira iha eleisaun prezidensial sira iha loron-segunda ne'e, liu tiha oras rua hafoin taka fatin votasaun sira, to'o ona ba hosi fatin oioin kapital timoroan nian ba sentru kontajen munisipal nian.

Prosesu demoradu hosi kontajen votu nian iha loron-segunda ne'e, iha faze dahuluk, iha sentru votasaun ida-idak ne'ebé hafoin konta tiha votu sira no komprova tiha rejistu ba rezultadu sira, urna sira sei haruka ba sentru ne'ebé instala iha kapital ida-idak munisípiu nian.

Iha Díli, hanesan Lusa haree iha fatin, urna tolu dahuluk sira to'o ona hosi Kamea, iha suku Cristo Rei, hafoin ne'e urna rua to'o hosi Dare.

Bainhira simu ona rejistu lima, relasionadu ho númeru sira hosi sentru sira votasaun nian, maka hahú organiza rezultadu munisipal sira iha tabela no hakotu ho kontajen ba munisípiu ida-idak nune'e maka foin hatene informasaun nasional sira.

Urna azul sira ho matan mutin, taka metin, tau hamutuk iha sala ne'ebé uza ba asaun ne'e iha munisípiu Díli ne'ebé akompaña hosi fiskal partidáriu sira no responsável eleitoral sira no ne'ebé iha fatin ba observador sira no jornalista sira hodi akompaña faze ne'e.

Diretór-jeral hosi Sekretariadu Tékniku Administrasaun Eleitoral (STAE), Acilino Manuel Branco, explika ona ba Lusa katak prosesu tomak hosi kontajen iha nível munisipal tenki hotu to'o oras 48 nia laran hafoin taka urna sira.

Lahó informasaun parsial sira votasaun ian Acilino Manuel Branco konfirma informasaun ne'ebé avansa hosi prezidente Komisaun Nasional Eleisaun sira nian (CNE) katak taxa partisipasaun tinan ne'e bele ultrapasa taxa ne'ebé rejista iha 2012, bainhira vota ona eleitoral hamutuk 78% resin.

Liutiha oras rua hafoin votasaun, nia konfirma ona ba Lusa, katak sei halo votasaun iha fatin balun hanesan eskola Komoro ne'ebé, bainhira taka urna sira, sei iha fila naruk ho ema atus resin.

Acilino Manuel Branco konfirma ona katak laiha rejistu ba insidente tékniku fodan sira iha jornada loron-segunda nian.

SAPO TL ho Lusa - Foto@ António Dasiparu /EPA