KELIKAI,
(ANTIL) – Votante tenke la’o kilometru rua hodi ezerse sira nian direitu,
partisipa eleisaun Prezidensiál. Eleisaun iha suku Baguia, Lakuliu no
Letemumu, postu administrativu Kelikai, Autoridade Munisipál Baukau, hahú loke
sentru votasaun tuir regulamentu husi Sekretariadu Tékniku Administrasaun
Eleitorál (STAE) iha loron 20 Marsu 2017, tuku 07:00 dader.
Votante
dahuluk ne’ebé tuir eleisaun iha suku hirak ne’e mak ofisiál eleitorál, fiskál,
observadór sira, hafoin komunidade suku refere.
Komunidade
iha suku Letemumo ne’ebé hetan direitu ba vota ho totál hamutuk 2123. Bazeia ba
númeru eleitoradu iha suku refere, sentru votasaun ida ho estasaun votu rua
ne’ebé iha kabina ualu no urna haat.
Iha
suku Baguia, totál eleitór hamutuk 833, sentru votasaun ida no estasaun votu ida
ho urna sensitivu no non sensitivu ida. Nune’e mos iha suku Lakuliu, votante
ne’ebé resjistradu hamutuk 1150, sentru votasaun no estasaun vota ida ho kabina
votu haat nomós urna ida.
Tuir
Prezidente sentru votasaun Suku Lakuliu, Alcino F. Belo, hatete, prosesu
votasaun ne’e fó prioridade liu ba ema ho defisiénsia, isin rua, no moras hodi
fasilita sira la-tuir liña no diretamente ba vota.
Nia
hatutan, iha períodu votasaun nia laran, bainhira oras hatudu tuku 14:45 sei
aviza votante atu kontinua vota to’o tuku 15:00, maibé liu oras ne’ebé
determina mak laiha ema, ofisiál eleitór sei taka sentru votasaun.
Brigada
iha suku Letemumu, Armindo Sarmento, hatutan, sentru votasaun loke no taka tuir
oras ne’ebé determina husi STAE, maibé iha posibilidade ba votante sira atu
ezerse direitu liu oras bainhira ema sei barak.
Tuir
observasaun ne’ebé ANTIL halo, votante sira tenke la’o kilómetru rua resin
atubele ezerse sira-nia direitu nu’udar sidadaun timoroan ne’ebé di’ak. Hafoin
vota, balun fila kedan bá ida-idak nia uma no votasaun ne’e hetan seguransa
husi Polísia Nasionál Timor-Leste. (Jornalista: Maria Auxiliadora - Editora:
Rita Almeida)
Foto:
Staf téknika hosi STAE. Foto ANTIL/Maria Auxiliadora
Sem comentários:
Enviar um comentário