DILI,
(ANTIL) – Kandidatu Prezidenti Repúblika, António da Conceição ‘Kalohan’
hateten, lakohi halo espekulasaun kandidatu sé maka sei manán iha eleisaun
prezidensiál tanba seidauk fó sai rezultadu permanente.
“Loron
ohin ita deside ona destinu nasaun ba tinan lima. Portantu, rezultadu saida
de’it maka mai, ne’e vontade povu ninian ne’ebé maka nia espresa livremente atu
nia haree sá mudansa maka nia hanoin”, Kalohan hato’o informasaun ne’e ba
jornalista sira bainhira ezerse direitu votu iha Eskola Básika Filial 1.2
Tuanan Laran, suku Vila Verde, postu Administrativu Vera Cruz, munisípiu Dili,
Segunda ne’e.
Nia
informa, nia sei espresa bainhira hatene ona katak rezultadu saida de’it maka
atu mosu. Kona-ba segunda rona, nia hatán, depende fila fali ba vontade populár
populasaun. “Ita labele hola espetativas ou halo espekulasaun individuál”,
atuál Ministru Edukasaun esklarese.
Nia
husu ba populasaun sira atu hakmatek no simu rezultadu saida de’it maka mosu
mai. Labele iha tendénsia ida atu azita tún sa’e para provoka situasaun ida
ne’ebé maka la di’ak iha Nasaun.
Kalohan
avansa ba Prezidenti Republika ho apoiu hosi Partidu Demokrátika (PD) ne’ebé
lidera hosi Mariano Assanami Sabino. Iha VI Governu Konstitusional Kalohan
asumi kargu nu’udar Ministru Estadu Koordenador Assuntu Sosiais no Ministru
Edukasaun. (Jornalista: Xisto Freitas - Editor: Gantry Meilana)
Foto:
Kandidatu Prezidente Repúblika, António da Conceição 'Kalohan' ezerse nia
direitu votu iha Escola Básica Filial 1.2 Tuanan Laran. Foto ANTIL/Egas
Cristovão
Sem comentários:
Enviar um comentário