Fretilin, partidu ne'ebé iha
Governu, taka ona, iha loron-kuarta ne'e, nia kampaña iha Díli ba lejislativu
antesipadu iha loron-sábadu ne'e iha ambiente festa no hotu ho
"showmício" ida.
Komísiu ida ne'ebé hanesan
selebrasaun ne'ebé lideransa istóriku hosi Frente Revolucionária do Timor-Leste
Independente (Fretilin) fahe palku ho líder sira ne'ebé joven liu hosi partidu
hamutuk ho reprezentante sira hosi asosiasaun oioin, inklui hosi grupu sira
arte marsial nian.
Hahú sedu tebes maka bele rona
buzina oioin ho motor, karreta ho kamioneta sira iha fatin oioin iha sidade
hodi diriji ba Tasi Tolu ka pasiar iha sidade, ne'ebé iha loron-kuarta ne'e
bele haree mós prezensa maka'as hosi polísia ho militar duké hanesan baibain.
Karavana naruk sira blokeia
tránzitu dezde dadeer no parte loraik iha zona oriental tomak kapital nian, ho
ezérsitu ida motor nian ne'ebé dekora ho bandeira mean, amarelu ho metan,
hanesan kór prinsipal sira Fretilin nian.
Hafoin ne'e, iha resintu boot iha
Tasi Tolu, fahe festa hodi taka kampaña, ho grupu ida akompaña eventu sira iha
palku prinsipal, ema barak akompaña hosi dook, iha ai-hun sira nia okos no
barak maka pasiar iha resintu boot.
Iha asesu sira, liutiha oras
balun bainhira komísiu hahú, sei iha kamioneta sira ho militante sira ne'ebé
maka to'o iha fatin.
Iha loron-kuarta ne'e, sidade iha
seguransa maka'as duké baibain, ho efetivu polísia sira iha estrada prinsipal
sira no fahe iha bairu balun ne'ebé maka iha potensial risku nune'e mós iha
asesu ba Tasi Tolu.
Iha fatin ne'e, iha bee-lihun
tolu ne'ebé maka fó naran ba Tasi Tolu, Fretilin harii ona palku sentral ida ho
kartaz sira ne'ebé maka iha mote hosi kampaña no partidu nian.
Iha parte karuk, palku ida ba
kantór sira ho grupu muzikal sira no, iha parte liman-loos iha tribuna onra
hosi komísiu ne'ebé maka transmiti diretu hosi kanal televizaun sira RTM ho
GMN.
Komísiu ida ho joven barak,
knananuk baral no mós manu-aman ida, pinta ho partidu nia kór sira - no hanesan
elementu ida ne'ebé mosu beibeik iha serimónia tradisional sira -, ne'ebé foti
entre multidaun sira bainhira hahú reza iha palku leten. No hafoin ne'e Mari
Alkatiri, sekretáriu-jeral partidu nian, lori manu-aman ba palku.
Elementu ida hosi diresaun
Fretilin nian hatete ona ba Lusa katak enkontru iha Tasi Tolu hanesan
"showmício" ida, festa ida hodi selebra kampaña ida nia rohan durante
fulan ida halo iha nasaun tomak.
Maski nune'e, ko'alia kona-ba
programa partidu nian, hosi juventude no esperansa iha vitória: "ha'u fiar
nafatin", Mari Alkatiri hatete.
Atensaun balun fila ba José
Ramos-Horta, fundador Fretilin nian, eis-Prezidente no atual ministru ne'ebé
iha kampaña ne'e hatais fali, tuir dalan literal ho ideolojia, kamizola partidu
nian.
Ramos-Horta halo kampaña intensu
ida iha fatin balun ne'ebé maka dook tebes no nia partisipasaun bele aumenta
votu ba Fretilin ne'ebé, ikus ne'e, reklama katak, durante kampaña, iha ema
oioin no organizasaun sira ne'ebé "fila fali" ba partidu.
Durante hinu partidu nian, Foho
Ramelau, Ramos-Horta - ne'ebé iha tinan hirak ikus ne'e mantén nafatin katak
laiha partidu ida - foti liman-loos metin, troka tuir kompasu entre kumu-liman
no foti liman-fuan haat: Fretilin hanesan númeru haat iha boletin votu nian.
Kampaña hotu ona iha loron-kuarta
ne'e.
SAPO TL ho Lusa
Sem comentários:
Enviar um comentário