quinta-feira, 10 de maio de 2018

Nurima Alkatiri apela komunidade Santa Cruz fó vitoria ba FRETILIN


Membru Comite Central FRETILIN (CCF), Nurima Alkatiri apela ba militantes simpatizantes  no povu tomak, li-liu komunidade suku Santa Cruz  atu fo vitoria ba FRETILIN iha Eleisaun Antesipada 12 Maiu atu nunee hadia povu nia moris.

Membru Comite Central FRETILIN-CCF, Nurima Alkatiri fo sai apelu iha mini kampaña Partidu historiku FRETILIN, Tersa (08/05/2018) iha Suku Santa Cruz, Postu Administrativu Nain Feto, Munisipiu Dili,

Nurima Alkatiri hateten, komunidade suku Santa Cruz laos ema seluk ema leet  maibe mesak familia no maun alin deit, tanba ne'e buka konvense malu atu fó vitoria ba FRETILIN iha Eleisaun Antesipada mai.

Bairu Audian, suku Santa Cruz, baze forte FRETILIN nian, hanesan mos baze ida luta nain nian atu hetan independensia. Hau testamuña ba imi joven sira ninia ligasaun ne’ebé forte tebes, imi nunka husik malu maske diferensia opiniaun, diferensia iha relijiaun, maibe sempre hamutuk, tanba husu ba imi bolu malu tur hamutuk hodi koalia nune hamutuk fó vitoria ba FRETILIN iha loron rua ka tolu mai hatutan Nurima Alkatiri.

Reprezentante juventude Bairu Audian, suku Santa Cruz, Miguel Soares deklara, sei hamutuk ho juventude tomak iha bairu Santa Cruz, atu vota ba FRETILIN vitoria iha Eleisaun Antesipada (EA).

Ami mai hamrik iha ne’e (Bairu Audian Santa Cruz), atu hatudu no hato’o katak, ami nia apoiu tomak ba FRETILIN iha loron 12 fulan Maiu ne’e, hodi lori vitoria iha Eleisaun Antesipada, tanba FRETILIN mak iha programa diak ba povu nia moris diak, hatete Miguel Soares.

Mini kampaña partidu ho numeru sorteiu hat (4) iha Bairu Audian, suku Santa Crus, Postu administrativu Nain Feto, la hetan seguransa no obserasaun husi parte seguransa no orgaun eleitoral. Ito

GMN TV | Grupo Média Nacional

Sem comentários: