quinta-feira, 4 de abril de 2019

Polísia timoroan fahe manifestante sira ho gás lakrimojéneu iha parlamentu nia oin

PARTILHAR

Iha loron-tersa ne'e, pelumenus ema na'in tolu kanek bainhira efetivu sira hosi polísia timoroan uza ona gás lakrimojéneu hodi fahe grupu ida hosi manifestante sira ne'ebé halibur iha Parlamentu Nasional nia oin, hatete hosi fonte polisial ba Lusa. 

"Iha pelumenus ema na'in tolu kanek, inklui feto na'in ida", adianta hosi fonte hanesan.

Manifestasaun laiha autorizasaun no iha fatin konsentra ona estudante sira ho ema sira ne'ebé maka fa'an sasán, hatutan hosi fonte ne'e.

Manifestante sira halibur hamutuk iha parlamentu nia oin iha loraik no fahe ona kartaz sira kontra kapitalizmu iha sidade Díli nian.

Tuir sasin sira iha fatin, baze hosi protestu ne'e maka desizaun sira hosi Munisípiu Díli nian kona-ba prezensa hosi ema sira ne'ebé maka fa'an sasán iha zona hosi Universidade Nasional Timor Lorosa'e (UNTL) no iha Arkivo ho Muzeu Rezisténsia Timoroan nian.

Zona hosi parlamentu ne'e, iha fulan hirak ikus ne'e, sai hanesan palku hosi protestu balun ne'ebé organiza hosi Movimentu Universitáriu Timor-Leste (MULT) nian hodi prostesta hasoru sosa karreta foun sira ba deputadu sira.

Iha protestu ida, iha fulan-Novembru liubá, kaer ona ema na'in 20 resin.

Lusa | Sapo TL | Imajen iha Facebook
PARTILHAR

Author: verified_user

Publicação luso-timorense sem fins lucrativos

0 comentários: