Semana Lian Portugeza iha Timor-Leste ho atividade ba gostu oioin

"Lian, Ema sira, Oseanu" hanesan tema hosi Semana Lian Portugeza nian no hosi CPLP ne'ebé hahú iha loron 03 Maiu iha Timor-Leste no ne'ebé sei hanoin halo atividade oioin, inklui debate sira, espozisaun sira ho sinema.

Semana hahú ho "Feira Livru + Portugés" ne'ebé halo entre loron 03 ho 04 Maiu iha Sentru Aprendizajen ho Formasaun Eskolar (CAFE) iha vila Suai, ne'ebé aleinde fa'an livru sira sei iha mós gastronomia tradisional, arte ho artezanatu.

Feira sei iha espetákulu múzika ho dansa, ofisina sira lian nian, jogu sira, sinema, espozisaun, konkursu sira ho poezia, haktuir hosi organizador sira.

Iha loron Lian Portugeza nian no Kultura hosi Komunidade Nasaun sira ho Lian Portugeza, iha 05 Maiu, Sentru Kultural Portugés simu abertura hosi espozisaun pintura “Alfabetização”, hosi artista timoroan Bosco Alves.

Eventu konta ho múzika ho poezia hosi Departamentu Lian Portugeza UNTL nian no hosi Institutu Defeza Nasional ho narasaun istórias hosi elementu sira hosi Xanana Gusmão Reading Room no hosi Grupu Portugés iha Bairro.

Iha loron 06 Maiu, Eskola Portugeza Díli nian simu “Hora do Conto” ho Sentru Kultural sira espozisaun “Uma imagem, mil palavras”, ne'ebé sei fó sai mós vensedor sira hosi konkursu eskrita "20 anos da Consulta Popular de 30 de agosto de 1999" no hosi konkursu eskrita "Liberdade".

Iha loron hanesan sei aprezenta filmi “Músicas da Resistência”, partisipasaun timoroan nian iha edisaun ikus hosi DOC TV CPLP.

Iha semana nia klaran, Sentru Kultural Portugés simu debate "Jornalizmu iha tempu luta nian: relatu iha lian portugés", ho partisipasaun hosi jornalista sira Adelino Gomes, Max Stahl, António Sampaio ho prezidente hosi Konsellu Imprensa timoroan nian, Virgílio Guterres.

Fundasaun Oriente simu ezibisaun hosi filmi “Oceanos de Lixo”, hosi Werner Boote.

Durante semana, sie halo mós abertura ofisial hosi Kursu sira Formasaun nian iha Lian Portugeza hosi Parseria hodi hadi'a prestasaun serbisu nian liuhosi reforsu hos Jestaun ho Supervizaun hosi Finansa Públika sira iha Timor-Leste (PFMO).

Sei hanoin loke mós Siklu Sinema Europeu, ho hatudu filmi Diamantino.

Iha loron 10 Maiu sei halo Sarau hodi taka, ho múzika, dansa ho poesia, iha Sentru Kultural Portugés.

Promove hosi Embaixada Portugal nian ho Camões IP, semana ne'e envolve parseiru oioin, inklui Uniaun Europeia, Governu ho Parlamentu Timor-Leste nian, Institutu Defeza Nasional, Sekretaria Estadu Kultural nian ho Governu Brazileiru.

Parseiru sira hosi projetu ne'e maka Universidade Nasional Timor Lorosa’e (UNTL), Arkivu ho Muzeu hosi Rezisténsia Timoroan nian (ARMT), Eskola Portugeza Díli nian, Sala Leitura Xanana Gusmão, projetu hosi Sentru Aprendizajen ho Formasaun Eskolar (CAFE), organizasaun FONGTIL, Livros e Companhia, Plural Editores.

Atividade sira hetan mós apoiu hosi komisaun CHEGA, Hotel Timor, Fundasaun Oriente no hosi Komisaun Nasional hosi Institutu Lian Portugeza nian (ILP).

Lusa | SAPO TL