Avelino Coelho: Timor-Leste laiha títulu rai ba Estadu

Jurista senior Timor-oan, Avelino Coelho, hatete, nasaun Timor-Leste, laiha títulu rai ba Estadu, tanba rai ne’e na’in mak povu rasik.

Avelino Coelho hato’o kestaun ne’e relasiona ho povu nian problema kona ba rai barak iha nasaun ne’e Estadu okupa hotu tanba konsidera rai Estadu. Avelino Coelho, esplika, konseitu títulu ba rai iha Timor-Leste beiala sira

Avelino Coelho hato’o kestaun ne’e relasiona ho povu nian problema kona ba rai barak iha nasaun ne’e Estadu okupa hotu tanba konsidera rai Estadu.

Avelino Coelho, esplika, konseitu títulu ba rai iha Timor-Leste beiala sira hatúr tiha ona kona ba títulu ba preopriedade, tanba ne’e Estadu laiha rai, tanba Estadu mak povu, povu mak Estadu.

Ita-nia rai ne’e iha beiala nia tempu iha kedas ona títulu ba rai iha Timor-Leste tanba ita-nia beiala sira hatúr tiha ona kona ba títulu ba propriedade, tanba ne’e Estadu laiha rai, povu mak na’in ba rai, tanba Estadu mak povu, povu mak Estadu. Timor-Leste nasaun ne’ebé anti kolonialiZmu tanba wanhira Portugés sira mai okupa Timor-Leste, Timor-Leste nia lei no regra iha tiha ona, iha Dom Boaventura nia tempu kedas hodi luta kontra invazaun okupasaun kolonializmu sira hodi duni sai”, hateten Avelino Coelho ba GMN iha Munisípiu Manufahi, wainhira sai oradór ba seminariu sientífiku iha Salaun Igreja Same, Sábadu (05/09/20)

Lolos labele dehan rai ne’e Estadu nian, tanba povu mak harii Estadu.  Ne’eduni Estadu ne’e mai husi povu. Dala barak ha’u rona iha televizaun sira katak komunidade entrega rai ba Estadu, wanhira ha’u rona, ha’u hakfodak, tanba dehan rai sira ne’e Estadu nian, hanesan ne’e Estadu ne’e mai husi ne’ebé”, katak Avelino.

Nune’e mos, Padre Júlio Crispim, konsidera, Estadu Timor-Leste ne’e sosiedade ne’ebé organizadu ona iha beiala sira-nia tempu no agora iha konstituisaun RDTL mós hakerek ona katak sidadaun ida iha direitu ba rai pedasuk ida. aba

GMN TV | Grupo Média Nacional