Parseiru Internasional Suporta Assesor Ba PN Komesa Dada An, Arao: “Ita Tenke Buka Mesak”

DILI – Parseiru Internasional hanesan UNDP nebe durante nee suporta mos asesor ba Parlamentu Nasional (PN) komesa dada an ona.

Tuir deputadu hosi membru komisaun A nebe mak trata asuntu konaba Lei nian, Arao Noe de Jesus, ba STL iha uma fukun Parlamentu Nasional (PN) Sigunda (27/04) wainhira remata plenaria hatete, durante nee UNDP mak finansia asesor internasional balu servisu iha Parlamentu nasional  tanba nee tempo too ona atu TL buka no selu rasik.

Durante nee UNDP mak finansia asesor balu hodi ajuda halo servisu iha Parlamentu nasional inklui mos suporta hosi Portugal no iha balu ita mak selu rasik no agora sira hare katak ita mos iha kapasiade finanseira entaun ita mos tenke rekruta rasik asesor internasional sira ida nee hau konkorda tanba durante nee sira mos apoiu ita makas tanba nee kuandu tempo too ona katak sira nia apoiu too ona iha nee entaun ita tenke bika solusaun para rejolve situasaun ida nee ho ita nia osan rasik,” hatete Arao.

Iha fatin hanesan Vise Prezidente Parlamentu Nasional (PN), Aderito Hugo, mos hatete katak Parseiru Internasional nebe mak fo apoiu ba TL hodi finanseira Asesor internasional balu durante nee laos dada an maibe redus sira nia apoiu. Informasaun kompletu iha STL Jornal no STL Web, edisaun Tersa, (28/4/2015).Thomas Sanches

Suara Timor Lorosae