TAUR: SEMINARIU MENOR PRODUS TIMOR OAN SAI UKUN NAIN

DILI - Seminarista sira iha Seminariu Menor Nosa senhora de Fatiman Selebra tinan 61 eziste iha Timor Leste, durante seminariu nee ninia Ezistensia konsege produs Timor oan sai ukun Nain no mos sai sidadaun nebe maka diak ho kualidade iha Nasaun Timor Leste.

Liu husi Homilia Bispu Deocese Maliana Dom Norberto Amaral hatete atu hetan Vitoria no moris inklui alkansa tuir ema ida-idak nia mehi, ema ida-idak tenki hasae nia Aan ba maromak nudar nain ba moris nebe sarani ida-idak simu.

Laiha todan ida nebe mak boot liu ita nia kbiit ou lia faun seluk mak husi terus ita hetan ksolok, dala balun senti todan no susar atu estuda, halo tuir disiplina no susar atu reja no seluk ita tenki Alkasa Aan Atu liu,” Dehan Dom Noberto, wainhira Prizidente Misa Agradesementu Selebrasaun Aniversariu  ba Dala 61 Seminariu Menor Balidi, Kuarta (13/05/2015).

Iha fatin hanesan Prezidente Republika Taur Matan Ruak fo parabens ba Amu reitor no Seminarista sira nebe tau matan ba seminariu menor, durante tinan 61.

Seminariu Menor ho tinan 61  nebe muda husi fatin ba  fatin seluk mais la lakon ninia fiar, lalakon ninia esperan no deteriminasaun atu lao ba oin makas liu tan, iha fatin nee ema barak sai ukun nain, Padre no Sidadaun diak nebe fo ninia kontribusaun tomak ba ita nia nasaun,” dehan Taur.

Remata Misa Agradesementu Reitor Seminariu Menor Pe.Angelo Salsinha Hatete seminariu nee hanorin Joven sira atu sai Joven nebe Exilente hanesan Haraik Aan Matenek no joven nebe mak santu. Informasaun kompletu iha STL jornal no STL Web, edisaun Sesta (15/5/2015). Timotio Gusmao

Suara Timor Lorosae