PD SEI HALO KONGRESU HODI HILI PREZIDENTE PARTIDU FOUN

DILI – Maske lakon ona Prezidente Partidu maibe Partidu Demokratiku, sei realiza kongresu iha loron ida hodi hili fila fali Prezdiente Partidu nomos vise prezidente partidu foun.

Tuir Deputadu, Virgilio Hornai ba Jornalista sira iha uma fukun Parlamentu Nasional (PN) Sigunda (8/06) hatete PD iha lideransa barak maka atu troka Prezidente Partidu saudozu La Sama, maibe sei liu hosi kongresu ida.

Prosesu natural sei lao no kongrseu sei mai  no iha kongresu nee mak kongresista sira sei hili estrutura hosi Prezidente to nia vise sira atu nunee kontinua ba oin, tanba nee laiha problema maibe ami triste no hanesan partidu tenke iha politiku kadernijasaun I figura partidu nian barak kuadru rekursu partidu nian no pronto atu troka maun La Sama,” hatete Virgilio Hornai.

Nia mos hatutan tan katak hosi La Sama nia mate mos sai hanesan sasukat ida iha estrutura tomak liu-liu lideransa partidu nian pronto ou lae, tanba nee konaba lideransa partidu nian PD laiha problema.

Iha fatin hanesan deputadu Paulino Monteiro (bankada PD) mos hatete konaba atu troka saudozu La Sama nia kargu hanesan Ministru nee kompetensia Primeiru Ministru, maibe PD mos iha ona ema atu prpoin ba governu hodi hare tanba kadeira neebe mak La Sama husik hela nee kadeira PD nian. Informasaun kompletu iha STL Jornal no STL Web, edisaun Tersa (9/6/2015). Thomas Sanches

Suara Timor Lorosae