TIU HASAI HAU NIA ROUPA, MAIBE LA KONSEGE HALO

DILl - Tebes! Bainhira familia mukit no ki’ak ba ai-han sei iha dignidade maibé bainhira forma familia mais mukit no ki’ak ba moral dignidade familia mout, situasaun ida ne’e mak akontese iha uma kain Tiu Antonio d. SX iha Ermera iha tinan 2009 liu ba.

RF nudar subriña (hosi nia fen) ba tiu Atoy tenki tanis dala barak bainhira RF nia tia sai hosi uma. Mataben RF nia hahú monu ba rai iha loron 24, Agostu 2014 la’ós tan hamlaha ou tan nia tiu baku maibé tan tiu buti RF nia hirus matan, bainhira vitima fó han hela tiu Atoy nia oan iha sala.

“Tanba ha’u tauk ha’u nonok de’it,” RF konta ho laran moras ba Timor Post iha Tribunál Distritu Dili (TDD) antes tama ba sala julgamentu, Kuarta (15/07).

Hodi kontinua konta “Ha’u hela ho tiun ne’e tanba nia hola hau nia Tian, ha’u la hatene ita tanggal 12 bulan delapan, oras tuku 20H15 hanesan ne’e ha’u fó han hela alin, tiun sai mai buti ha’u nia hirus matan dala ida, ha’u la hakilar ha’u tanis nonok de’it.”

Afinál vitima nia nonok hanesan konvida tan de’it Tiu Atoy nia vontade “la’ós dala ida ne’e de’it tui buti ha’u nia isin lolon, bei-beik ona. Iha kalan hanesan, mais o menus oras 21H00 depois hatoba labarik, ha’u sai ba iha ha’u nia kuartu, Tiu tama tuir ba iha Ha’u nia kuartu, lamas tan ha’u nia hirus matan hodi halo ha’u forsa la’ek to’o liman ain mamar to’o haluha tiha ha’u-an, nune’e  Tiu hasai moos Ha’u nia roupa miabé la konsege halo relasaun sex, tanba ha’u hakilar no tanis hodi husu salvasaun ba ha’u nia tian (tiu Atoy nia fen).”

Atutedi Tiu Atoy la iha mudansa hosi loron ba loron, maske hahalok malkriadu ne’e toman hosi nia fen. Vitima mós nudar feto ran nia lakohi sai vitima ba hahalok dezmoralizadu to’o fó konsikuensia ba nia vida feto ran, nune’e RF diside levanta kazu ne’e tuir dalan legál.

Graça a Deus vitima nia esforsu hetan nia rejultadu tan bele rejistu iha Tribunál Distritu Dili (TDD) ho númiru prosesu 0400/PDDIL.

Nune’e horseik (Kuarta) TDD marka audensia julgamentu ne’ebé taka ba públiku, prezide hosi juis José Maria de Araújo, Fransisca Cabral no akompaña mós juis estajiariu ida.

Tiu Atoy (Arguido) hetan asistensia legál hosi defensoria públiku Laura Valente Lay. Parte Ministériu Públiku reprejenta hosi Prokuradór Nelson Carvalho.

Tuir informasaun hosi ofisial justisa ne’ebé Timor Post hetan asesu haktuir katak, julgamentu ne’e sei kontinua hikas iha loron, Kuarta (29/07) tuku 15H00 hodi rona desijaun finál. (jxy)

Timor Post