IDEOLOGIA LA’EK, KULPOL SABRAUT

Dominiu ekonomia makaas lori ema hotu tama partidu politiku hakarak sai deputadu, hakarak sai ministru, hakarak sai sekretariu estadu de’it. Hirak seluk, hakarak tama partidu politiku tanba atu hetan projetu no hakarak atu riku lalais de’it. Ideolojia la’ek halo kultura polítika (kulpol) sai sabraut.

Parlamentu Nasionál aprova ona Lei Númeru 21/Terseira iha jeneralidade atu altera Lei Númeru 3/2004 ne’ebé ko’alia kona-ba partidus polítikus. Iha proposta lei númeru 21 ne’e haktuir patidu politika ida ezistentenke hetan ainatura hosi ema rihun rua nulu, tenki iha rekusru finanseiru no tenki iha sede partidu iha ansionál no iha munisipiu.

Alterasaun lei Partidu Polítika ida ne’e halo politika nain no matenek na’in balun tur la metin. Sira intrepreta lei parpol ne’e tuir sira nia kuñesimentu no matenek. Lei-nain sira balun hatete lei inkonstitusional tanba viola artigu rua konstitusional nian ne’ebé koalia kona-ba soberania. Hirak seluk dehan vioila lei artigu 46 hodi limite povu niapartisipasaun iha vida polítika.

Eis Governador Timor-Timur, Mario Viegas Carrascalão aseita tebes proposta lei refere tanba labele husik partidu politika moris de’it maybe hafoin lahetan fatin no konsederadu lahamate demokrasia. Razaun, tuir nia, wainhira besik festa demokrasia (eleisaun) ema hotu hamriik loke partidu hanesan loke kios ne’ebé sede mós laiha—lahetan asentu iha parlamentu nasionál, lakunése ona ninia eleitores sira.

Tanba ne’e, Mario Carrascalão sujere atu ema hirak ne’ebé loke partidu politika tenki hatene tuir sistema politika ne’ebé hahi kultura polítika (kulpol) no estrutura politika. Kuandu partidu iha laiha ideolojia, oinsa maka nia bele luta povu nia moris diak. Ideolojia laiha kerdizerke kultura politika mós sabraut; laiha kaderizasaun, laiha sede, laiha responsabilidade politika atu fó kritika konstrutivu ba governu, no laiha espiritu atu dezenvolve polítika iha rai laran.

Buat ne’ebé mosu iha Timor-Leste dominiu ekonomia makaas tebes entaun ema hotu gosta tama partidu politiku hakarak sai deputadu, hakarak sai ministru, hakarak sai sekretariu estadu de’it. Balun fali hakarak tama partidu politiku atu hetan projetu no hakarak atu riku lalais de’it. Maibé, loloos ne’e, tama partidu politiku atu ezerse funsaun nu’udar sosial kontrol atu kritika governu hodi kontribui ba dezenvolvimentu nasionál. La’os kontribui hodi manan projetu para hariku-an de’it. Harii partidu polítika ho sistema politika ne’ebé diak, sei bele hatene hahí kultura politika ida ne’e diak mós.

‘Partidu Polítika hanesan Klubu Futebol. Tamba dala barak ita nia partidu politika nia lalaok hanesan de’it ho klubu futebol nia lalaok. Eventu iha mak foin joga no iventu laiha nonok hotu. Signifika besik eleisaun partidu politika sira book-án, maibé liu tiha eleisaun, partidu polítika sira nonok hotu,” dehan Carrascalão iha debates TVTLL kona-ba alterasaun lei partidu polítika, Segunda (20/07/2015). (Cassimata)

Matadalan