Adriano Lahatene Notifikasaun Foun Husi TDD

DILI - Vise Presidente Parlamentu Nasional, Adriano do Nascimento hatete, nia parte lahatene karta notikasaun foun ou ikus neebe haruka husi Tribunal Distrital Dili ba iha Parlamentu Nasional, nee Presidente Parlamentu mak hatene.

Deklarasaun nee Vise Presidente PN, Adriano do Nascimento hatoo, relasiona ho Tribunal Distrital Dili (TDD) neebe haruka ona notifikasaun foun, ba Parlamentu Nasional hodi suspende arguidu Vicente Guterres liu husi desizaun plenaria.

Notifikasaun ida ikus nee hau lahatene,lahatene notefikasaun ida neebe,ida uluk liu ka ida foin agora dadauk, ba Presidente ka ba se hau lahatene,se notefikasaun ida ikus nee Presidente mak hatene,”dehan Vise PN Adriano ba STL, iha PN, Dili, Tersa (21/07/2015).

Nia hatete, notifikasaun ida uluk nee kestaun teknik administrasaun ninian, lolos Vise presidente ida labele halo komunikasaun ho entidade seluk sein delegasaun poder husi Presidente, tamba Parlamentu nee nia lider iha Presidente Parlamentu.

Iha fatin hanesan membru Parlamentu Nasional husi bankada FRETILIN, Manuel de Castro hatete, konaba notifikasun Presidente PN buat nee ba iha Komisaun etika, komisaun etika karik hato tia ona ba fali iha meja, agora depende ona ba iha meja Parlamentu Nasional. Informasaun kompletu iha STL Jornal no STL Web, edisaun Kuarta (22/7/2015). Carme Ximenes

Suara Timor Lorosae