Xanana Lansa Livru keamanan Nasional Negara Kecil

DILI – Ministru Planeamentu Investimentu Estratejiku Kay Rala Xanana Gusmao lansa livru neebe ho titlu Keamanan Nasional Negara Kecil; Sistem Terpadu di Timor Leste, neebe mak hakerek husi Julio Tomas Pinto.

Lansamentu ba livru nee halao iha Hotel Timor Sesta (12/02/2016). Tuir eis Primeiru Ministru, Xanana Gusmao, iha ninia deskursu antes halo lansamentu ba livru nee husu ba intelektual Timor oan hotu atu tau hamutuk matenek, hodi bele dezenvolve nasaun ida nee liu husi hakerek livru.

Livru neebe hakerek husi Julio nee laos foin primeira ves tanba nee hau apelu ba intelektuais Timor oan sira hotu liu-liu jerasaun foun, importante tebes ba ita iha konstruksaun estadu no nasaun nee matenek nain sira komesa ona halo analiza hodi tau hamutuk hanoin iha livru ou buat seluk tanba importante tebes atu bele eduka ema hotu,” hatete Xanana.

Nia hatutan dala barak matenek nain sira koalia liu husi media laos hanesan ema neebe mak matenek maibe uja deit mak lia fuan konta ou defende, hodi halo kritika tun sae ou soran ema seluk hodi la konsege tau hamutuk matenek neebe mak iha ho diak.

Iha fatin hanesan hakerek nain ba Livru Keamanan Nasional Negara Kecil; Sistem Terpadu di Timor Leste, Julio Tomas Pinto, mos hatete katak livru nee laos deit importante ba Akademiku sira, maibe hanesan mos fo kontribusaun ba estadu hodi bele eduka ema hotu.

Nunee mos Ministru Estatal, Dionisio Babo, hatete ho livru neebe mak hakerek husi Julio Tomas Pintu diak tanba atu hatudu nomos promove konaba sistema siguransa TL nian neebe mak uniku teb-tebes. Informasaun kompletu iha STL jornal no STl web, edisaun (13/2/2016). Thomas Sanches

Suara Timor Lorosae