Horta: “Lei Eleitoral Foun Hamate Partidu Kiik”

DILI - Eis Presidente Republika Timor Leste, Jose Ramos Horta hateten, lei eleitoral foun neebe Presidente Republika, Taur Matan Ruak promulga, nia konsidera hamate partidu kiik sira.

Hau hanoin lei eleitoral foun nee iha bele hamate partidu kiik sira neebe foin moris, maibe ba partidu boot sira nee laiha,” dehan nia ba Jornalista, wainhira halao vizita iha knua STL, Tersa (09/02/2016).

Horta haktuir, nasaun Timor Leste nudar nasaun ida livre no demokratiku, konstituisaun Republika Demokratika mos fo dalan ba ema hotu bele harii partidu politiku tanba multipartidarismu.

Iha fatin seluk, Presidente BUP (Bloku Unidade Popular), Cecilinho Caminha informa katak, lei eleitoral foun nee, ba oin partidu bele oituan deit no ema barak labele halo buat ida, tanba sai tia ona lei.

Maibe parte seluk, lei ida nee mos bele halo partidu politiku sira sai kualidade, hodi ezizi partidu sira tenke prense kriteria neebe maka hakerek ona katak nia tenke iha sede.

Nunee mos Deputadu Bankada CNRT, Domingos Carvalho de Araújo katak, lei eleitoral foun nee bele hamate partidu kiik sira, tanba kompara ba mai hanesan kompana konsorsiu. Informasaun kompletu iha STL jornal no STl web, edisaun (13/2/2016). *(Ryo)

Suara Timor Lorosae