Ezekusaun orsamentu real iha Timor-Leste iha de'it 31% iha metade tinan nian

Ezekusaun orsamentu real (pagamentu sira ne'ebé hala'o efetivamente) hosi konta públiku timoroan sira nian prazu hotu iha loron-kinta ne'e, hanesan iha metade tinan nian, ho de'it 31%, no hamenus liuliu iha kapital menos no kapital dezenvolvimentu nian. 

Informasaun hosi Ministériu Finansa ne'ebé fó ba Lusa konfirma katak to'o loron-kuarta Governu iha folin ida ba ezekusaun real ho total dolár millaun 470,72 resin ka 31% hosi orsamentu anual ho total dolár billiaun 1,52.

Ho folin ne'ebé selu duni ona tau hamutuk ho kompromisu millaun 216,5 (10,2%) no obrigasaun sira ho dolár millaun 155,6 (14.3%).

Ezekusaun total, ne'ebé tau hamutuk ho pagamentu ne'ebé halo tiha ona no obrigasaun sira (kontratadu maibé seidauk selu) maka dolár millaun 626,3 ka 41,3% hosi orsamentu total.

Hosi reseita sira, ezekusaun maka 44,3% ka 95,44 hosi millaun 171 resin ne'ebé previstu.

Informasaun sira relasionadu ho períudu hosi metade dahuluk tinan ne'e nian.

Insisti hosi Lusa hodi halo komentáriu ba informasaun sira ne'e, Helder Lopes, visi-ministru Finansa nian, esplika ona katak folin reduzidu hosi ezekusaun orsamentu nian "iha ligasaun ba fatór oioin" no la'ós avalia de'it "ezekusaun aas maibé kualidade ezekusaun nian".

Nia hatete katak, tradisionalmente, ezekusaun aumenta liu iha tinan nia rohan ho konkluzaun hosi siklu sira projetu sira nian.

Análize detalladu ida hosi informasaun sira konfirma katak ezekusaun total ki'ik liu akontese iha kapital menor (ho millaun 2,89 ka 14,8 % hosi total ne'ebé previstu), tuir kapital dezenvolvimentu nian (millaun 157,36 ka 36%) no saláriu sira (millaun 70 ka 38,5%).

Sasán no serbisu sira rejista ona ezekusaun total ida ho millaun 181,73 ka 40,4% hosi total no transferénsia sira, ezekusaun ida hosi 49,1% hosi total ka dolár millaun 233,18.

Informasaun sira konfirma folin aas ne'ebé Estadu kontrata tiha ona maibé seidauk selu, ka iha atrazu iha pagamentu sira ka tanba seidauk hakotu kontratu ka tama ona iha faze selu nian.

Folin ne'ebé tau hamutuk ba tusan sira ne'ebé atrazu hosi tinan anterior sira, to'o agora, Estadu nunka konfirma ofisialmente.

Emprezáriu timoroan sira ne'ebé ko'alia ho Lusa kesar beibeik atrazu kleur iha pagamentu ba sasán no serbisu sira ho infraestrutura sira, ho atrazu maka'as iha pagamentu ba saláriu iha ministériu oioin.

SAPO TL ho Lusa