Governu
Timór ho konsórsiu ida ne’ebé lidera hosi empreza franseza Bolloré ohin asina
ona kontratu ba dezeñu, konstrusaun nomós operasaun ba Portu Tibar nian iha
Dili, ho valór liu dolár milloens 400, ba iha modelu parseria públiku-privada.
Kontratu
refere asina hosi ministra Finansas, Santina Cardoso no ministru Obras
Públikas, Transporte no Telekomunikasaun, Gastão Sousa (parte Timór) hamutuk ho
empreza konsesionária, Philipe Labonne, prezidente Bolloré Ports no Rafael
Ribeiro, diretór hosi jerente Bolloré Logistics Timor-Leste.
Iha intervensaun durante serimónia asinatura ohin, Xanana Gusmão, ministru Planeamentu no Investimentu Estratéjiku, dehan katak projetu iha Tibar importante tebes, hodi hadia kapasidade komérsiu esternu Timor-Leste nian.
“Portu foun ne’e sei fó integrasaun rejionál bot no merkadu, sei hamenus kustu transporte nomós ajuda tula lalais sasan, atu nune’e ajuda dezenvolve nomós diversifika ekonomia”, dehan.
Xanana Gusmão haktuir mos kona-ba importánsia hosi rekursu modelu PPP, ba iha termu asesu kapitál hanesan know-how hosi setór privadu nian, tanba Governu sei kontinua ho alternativa ne’e iha futuru.
Projetu ne’e hanesan konstrusaun infraestrutura ba transporte ne’ebé bot iha rai-laran, sempre sai nu’udar investimentu privadu nomós hanesan parseria públika-privada (PPP) dahuluk, ba investimentu ho inisiál dolár milloens 278,3 inklui fó kampo serbisu rihun ida.
Projetu ne’ebé inklui ho dezeñu, finansiamentu, konstrusaun nomós operasaun ba Portu foun ida iha Tibar, sei hahú iha tinan oin no sei termina iha 2020.
Bolloré sei fó serbisu ba ema 500 durante konstrusaun, 350 ba iha operasaun tinan haat dahuluk no tuir mai ho tan 150, ho prioridade ba liu timor-oan sira.
PPP entre Governu no konsórsiu ne’ebé lidera hosi empreza franseza Bolloré envolve investimentu inisiál ho dolár milloens 148,85 hosi parseria privadu nomós dolár milloens 129,45 hosi Governu.
Durante tinan konsesaun 30 (to’o juñu 2047) konsórsiu ne’e sei investe dolár milloens 211,7 resin ba iha projetu ne’ebé planeia ona ba tinan lima.
Gastão de Sousa, ministru Obras Públikas, Transporte no Telekomunikasaun, konsidera katak ida ne’e hanesan projetu determinante ida ne’ebé sei kria infraestrutura esensiál ba dezenvolvimentu ekonómika nasaun nian ba tempu oin mai, fasilita komérsiu esternu no hamenus atrazu ne’ebé oras ne’e daudaun mosu iha Portu Dili.
“Sei fasilita komérsiu esternu tanba atu hamenus atrazu ba iha estrutura portuária atuál iha Dili. No ida ne’e sei garante ekonomia ne’ebé efisiente liu, hadia kompetividade nomós sei aumenta volume komérsiu ho ita ninia nasaun viziñu”, dehan.
Projetu ne’e, bazeia ba modalidade PPP, “prepara ona ho análize téknika, ekonómika, jurídika, sosiál no ambiente sólida”, ne’ebé hanesan konkursu internasionál kompetitivu ida,” nia dehan tan.
Philipe Labonne, prezidente Bolloré Ports nian, rekorda ktak ne’e hanesan "maiór investimentu ne’ebé halo iha Timor-Leste hosi setór privadu" no nia empreza iha empeñu atu transfere nia know-how no hodi forma ekipa timoroan 500 ne’ebé sei servisu iha portu.
“Ho investimentu boot ne’e, grupu Bolloré konfirma nia konfiansa iha futuru Timor-Leste nian, nasaun ne’ebé sei joven no vibrante, ho populasaun ne’ebé iha entiziazmu no hakarak atu hadi’ak nia moris no labarik sira-nian”, nia afirma.
"Portu ne’ebé hari’i no administra ho didi’ak sai hanesan motór kresimentu, ho nune’e bele atrai ró boot no di’ak sira no sei redús kustu lojístiku. No ami hakarak mós fó sinál ba investidór internasionál sira katak Timor-Leste nakloke ba negósiu", nia afirma.
Lokaliza besik kilómetru 10 iha oeste Dili nian, iha baía Tibar, projetu ne’e konta ho partisipasaun International Finance Corporation (IFC) nian, liman privadu Banku Mundiál nian, ne’ebé hanesan konselleiru iha kriasaun PPP.
Iha inísiu portu ne’e sei iha kapasidade kontentór rihun 226 (TEU), ne’ebé sei haboot to’o kapasidade ba millaun ida iha kada tinan, ho kais metru 330 no ida seluk ho metro 300, no karik operasaun portuária dahuluk kondús ona iha tinan 2019.
SAPO TL ho Lusa
Iha intervensaun durante serimónia asinatura ohin, Xanana Gusmão, ministru Planeamentu no Investimentu Estratéjiku, dehan katak projetu iha Tibar importante tebes, hodi hadia kapasidade komérsiu esternu Timor-Leste nian.
“Portu foun ne’e sei fó integrasaun rejionál bot no merkadu, sei hamenus kustu transporte nomós ajuda tula lalais sasan, atu nune’e ajuda dezenvolve nomós diversifika ekonomia”, dehan.
Xanana Gusmão haktuir mos kona-ba importánsia hosi rekursu modelu PPP, ba iha termu asesu kapitál hanesan know-how hosi setór privadu nian, tanba Governu sei kontinua ho alternativa ne’e iha futuru.
Projetu ne’e hanesan konstrusaun infraestrutura ba transporte ne’ebé bot iha rai-laran, sempre sai nu’udar investimentu privadu nomós hanesan parseria públika-privada (PPP) dahuluk, ba investimentu ho inisiál dolár milloens 278,3 inklui fó kampo serbisu rihun ida.
Projetu ne’ebé inklui ho dezeñu, finansiamentu, konstrusaun nomós operasaun ba Portu foun ida iha Tibar, sei hahú iha tinan oin no sei termina iha 2020.
Bolloré sei fó serbisu ba ema 500 durante konstrusaun, 350 ba iha operasaun tinan haat dahuluk no tuir mai ho tan 150, ho prioridade ba liu timor-oan sira.
PPP entre Governu no konsórsiu ne’ebé lidera hosi empreza franseza Bolloré envolve investimentu inisiál ho dolár milloens 148,85 hosi parseria privadu nomós dolár milloens 129,45 hosi Governu.
Durante tinan konsesaun 30 (to’o juñu 2047) konsórsiu ne’e sei investe dolár milloens 211,7 resin ba iha projetu ne’ebé planeia ona ba tinan lima.
Gastão de Sousa, ministru Obras Públikas, Transporte no Telekomunikasaun, konsidera katak ida ne’e hanesan projetu determinante ida ne’ebé sei kria infraestrutura esensiál ba dezenvolvimentu ekonómika nasaun nian ba tempu oin mai, fasilita komérsiu esternu no hamenus atrazu ne’ebé oras ne’e daudaun mosu iha Portu Dili.
“Sei fasilita komérsiu esternu tanba atu hamenus atrazu ba iha estrutura portuária atuál iha Dili. No ida ne’e sei garante ekonomia ne’ebé efisiente liu, hadia kompetividade nomós sei aumenta volume komérsiu ho ita ninia nasaun viziñu”, dehan.
Projetu ne’e, bazeia ba modalidade PPP, “prepara ona ho análize téknika, ekonómika, jurídika, sosiál no ambiente sólida”, ne’ebé hanesan konkursu internasionál kompetitivu ida,” nia dehan tan.
Philipe Labonne, prezidente Bolloré Ports nian, rekorda ktak ne’e hanesan "maiór investimentu ne’ebé halo iha Timor-Leste hosi setór privadu" no nia empreza iha empeñu atu transfere nia know-how no hodi forma ekipa timoroan 500 ne’ebé sei servisu iha portu.
“Ho investimentu boot ne’e, grupu Bolloré konfirma nia konfiansa iha futuru Timor-Leste nian, nasaun ne’ebé sei joven no vibrante, ho populasaun ne’ebé iha entiziazmu no hakarak atu hadi’ak nia moris no labarik sira-nian”, nia afirma.
"Portu ne’ebé hari’i no administra ho didi’ak sai hanesan motór kresimentu, ho nune’e bele atrai ró boot no di’ak sira no sei redús kustu lojístiku. No ami hakarak mós fó sinál ba investidór internasionál sira katak Timor-Leste nakloke ba negósiu", nia afirma.
Lokaliza besik kilómetru 10 iha oeste Dili nian, iha baía Tibar, projetu ne’e konta ho partisipasaun International Finance Corporation (IFC) nian, liman privadu Banku Mundiál nian, ne’ebé hanesan konselleiru iha kriasaun PPP.
Iha inísiu portu ne’e sei iha kapasidade kontentór rihun 226 (TEU), ne’ebé sei haboot to’o kapasidade ba millaun ida iha kada tinan, ho kais metru 330 no ida seluk ho metro 300, no karik operasaun portuária dahuluk kondús ona iha tinan 2019.
SAPO TL ho Lusa
Sem comentários:
Enviar um comentário