OJE 2017, Governu Labele Foti Liu Biliaun 1

DILI – Tuir planu governu sei foti Orsamentu Jeral Estadu (OJE) ba tinan oin 2017 ho montante biliaun ida ou biliaun ida pontu dois, maibe publiku husu atu governu labele foti osan liu biliaun ida tanba tinan 2017 hanesan tinan politiku.

Tuir observador Politika, Abrao do Carmo, ba STL iha ninia knar fatin UNTL Kaikoli Kinta (02/06/2016) hateten, governu tenke halo poupansa ba OJE atu nunee labele gasta arbiru ba buat neebe mak la persija.

Ba hau nia hare governu tenke tetu didiak se bele foti osan ba tinan 2017 nee biliaun ida deit ou menus husi biliaun ida tanba tinan 2017 nee tinan politika nian tanba nee politiku nain sira sei la focus ba aktiviade governu nian maibe sira perkupa liu mak partidu nian nee ita hotu hatene neebe ami sujere diak liu halo poupansa tanba ita nia osan mos naton deit,” dehan Abrao.

Nia mos hatutan tan katak osan estadu nee osan povu nian tanba nee wainhira foti no gasta tenke gasta ba intrese povu nian laos uza fali osan estadu ou osan povu nian ba intrese individu ou intrese grupu nian.

Iha fatin hanesan academia, Filipe Carvalho, mos hatete katak oras nee adaun produsaun mina iha tasi Timor mos tun neebe mak fo impaktu ba orsamentu estadu nian tanba nee nia husu ba governu atu tetu didiak atu foti liu biliaun ida. Informasaun kompletu iha STL Jornal no STL Web, edisaun Sesta (3/6/2016). Thomas Sanches

Suara Timor Lorosae