NAKROMA HATAMA RESEITAS U$ 678,677.00

Governu Timor Leste iha tinan 2015 nia laran  hetan reseitas ho montante $ 678,677.00 milhoens husi operasaun ro Nakroma no iha tinan 2016 to fulan Abril Nakroma hatama ona $ 203,245.00 milhoens ba Estadu.

Segundu vise ka vogal II APORTIL Instituisaun Publiku Victor Edelfiride Maia hatete, osan sira ne’e mai husi operasaun ro nakroma durante ne’ebe mak tula pasageirus husi Dili Atauro no Dili Oecusse i reseita iha tinan 2016 ne’e foin to deit fulan Abril, tanba iha fulan Maio nia klaran ne’e ro nakroma la halo ona opersaun, tanba sei halo manutensaun ba nia makina kik oan sira ne’ebe mak indentifika presija hadia.

‘’Ro uluk ne’e kada tinan mak halo manutensaun ne’e nia despejas bot, entaun  ami muda iha planu asaun anual ne’e kada fulan tolu tenki ita halo manutensaun iha rai laran, nune’e to tinan ba halo manutensaun bot iha rai liur ne’e  hamenus nia despejas  manutensaun,’’ dehan Victor  ba jornalista sira, Kuarta (1/6) iha APORTIL.

Victor hatete, manutensau kada fulan tolu ne’e mos laos manutensaun bot, maibe manutensaun kik hanesan, sapa sira ne’ebe kuak tenki taka, besi ruma ne’ebe at no buat seluk tan ne’eb mak presija manutensaun, Victor mos esplika kona ba ro nakroma ne’ebe mak para hela ne’e alende halo manutensaun sira mos presija hadia fali jerador ro nian ne’ebe fornese eletricidade ba ro ne’e mak avaria hela.

‘’Tan ne’e oras ne’e dadaun ita bolu ona tekniku nain rua husi kompania ne’ebe mak uluk kedas ro nakroma sai sira halo manutensaun mai ona lori kedas sira nia ekipamentus hamtuk ho tekniku Timor oan balun hodi  nune’e tekniku Timor oan sira mos bele akompanha hare rasik prosesu manutensaun ne’e agoa sira hadia hela jerador ne’e,’’ koalia Victor.

Nia mos informa katak, orsmentu ba manutensaun ro nakroma ne’e sira foti husi orsamentu manutensaun anual ne’ebe mak Governu aloka ba ro Nakroma iha APORTIL i sira mos prepara ro Laju-Laju no ro barco rapidu husi empreja privadu sira hodi fasilita pasageirus sira ne’ebe mak hakarak halo operasaun Dili Oecusse inklui Dili Atauro.

Antes ne’e mos Vise Ministru Obras Publikas Transporte e Comunicasoens (MOPTC) Inacio Moreira hatete, ro nakroma ne’ebe mak para hela ne’e, tanba halo manutensaun rutina, tanba tuir vise Inacio ro mos presija halo manutensau rutina hanesan motor ho kareta.

‘’Se ita la halo manutensau rutina nia at kik aon ne’e rai hamutuk to tinan ida mak ba ba halo manutensaun iha rai liur gasta osan makas no nia despejas bot tebes,’’ esplika Inacio.

Tuir nia, manutensaun kik ne’ebe mak bele halo iha rai laran ne’e la presija ba rai liur hodi gasta osan diak liu halo manutensaun iha rai laran hodi hamenus despejas. Nia

Jornal Nacional