CPD-RDTL SEI LA PARTISIPA ELEISAUN 2017

Konselhu Superior no Kordenador CPD- RDTL, Antonio Aitahan Matak, hateten, CPD-RDTL sei orienta nia membru sira tomak atu labele  involve kualker  aktividade partidu  politika hodi la partisipa iha eleisaun 2017.

 “Ha’u la iha partidu como e que ha’u ba   orienta  fali eleisaun 2017,  primeira coisa  iha Timor Leste  Antonio Aitahan Matak desde 1975 ha’u  la iha partidu,”esplika Antonio Aitahan Matak ba jornalista  hafoin partisipa iha seminariu União da Juventude  Maubere (UNMA) iha salaun Comissão Nacional das Eleisões (CNE) Caicoli,  Dili, Kinta (02/06).

Nia hatutan, CPD-RDTL nunka  iha partidu, ne’e duni demokrasia  ida ne’e nia konsidera  uza hodi sama povu hanesan ular.

 “Ami tetap hateten dehan sala demokrasia  ida ne’ebe sama povu, povu sai ular ona, labele moris tan ona, ekonomia la tama,  imi hatene katak, ekonomia tinan 2014 kuandu sira ba taka ha’u nia uma Balide,  ekonomia la tama kedas  iha tina ne’e, depois  2015 no 2016 agora  tinan tolu ne’e  retornu Estadu la tama ona, tanbasa mundu haree  katak,   buat los sira ba sama, depois buat la los maka sai los, traidor sai fali revolusionario, depois uza revolisionario sai fali penonton, tanba ne’e maka ha’u la partisipa kualker partidu ne’ebe loke iha rai Timor Lorosae,”tenik Aitahan Matak.

 Nune’e mos nia dehan,   povu Timor ne’e la simu ona 35 ka 36 partidu ne’e, ema  sei la vota ba sira,  tanba la iha benefisiu diak durante ne’e, durante periodu kampanha partidu politikus ira promete dehan  sei halo buat barak, maibe  sira nunka halo baut ida, povu ki’ik bo’ot senti fuan moras teb-tebes nusa maka  uluk sira tau dehan FFRENTI a’an para bele hakuak ema hotu depois funu remata tiha maka sira maka loke partidu enkuantu seidauk  difini ema nia mate no ema nia ruin.

Alende ne’e  mos, Aitahan Matak, esplika kona-ba seminar UNMA ninian  ne’e  ne’ebe maka partisipa  husi membru CPD-RDTL sira ne’e.

“Sira tenki hatene, tanba sira ne’e halo funu, mas  kuandu dehan katak, sira sala rezolusaun  sai  husi partidu politiku, entaun partidu politiku  uluk halo funu ne’e iha rejiaun Haksolok ka Nakroma maka hot-hotu mai foti liman ba hadau ami ninia sasan ba hatun ami nia bandeira, ba halo mate ne’e apakah  rai seluk nia istoria ne’e la sai hanesan ne’e ida,”dehan  Aitahan Matak.

Nia afirma katak, labele lori demokrasia banana impoin fali ba demokrasia  ida ne’ebe maka los, tanba  ida ne’e maka konferensia UNMA nian ne’e mosu.

“Ha’u rasik mos sei ba koalia, señor Xanana mos mai koalia, Señor Lu-Olo, Mari Alkatiri, Jose Ramos Horta mos tenki mai koalia, tanba  uluk  sira koalia saida maka povu ne’e mate ba sasan sira ne’e, apakah Parlamentu Nasional  no Governu bele selu ema nia mate,  ou Fretilin Lu-Olo ho Mari maka tenki selu ne’e duni sira tenki mai jelas ida ne’e, ”dehan Aitahan Matak.

Apresia CPD-RDTL

Nune’e mos, iha loron hanesan, Prezidente Partidu Frenti Mudansa, José Luis Guterres (LUGU), apresia tebes CPD-RDTL, tanba ho sira nia disiplina no la depende ba  ema seluk nia kontribuisaun.

“Ha’u la koñese ema barak, maibe  ha’u hatene oitaun  ita bo’ot sira ninia aktividade konsisaun agrikula, koperativas  ne’ebe  imi halo iha aftin barak atu pelumenus miniza  falta de prodsuan agrikula ne’ebe maka ita iha  ita nia rai laran, ha’u   hatene mos ita bo’ot sira nia   disiplina  no ita bo’ot sira la defende ba ema seluk nia kontribuisaun, maibe  imi raik buka malu kontribui para halo aktividades  ne’ebe imi hare’e katak, diak ba nasaun,  ne’ebe ha’u apresia tebes,”esplika Jose Luis Guterres, bainhira abertura  seminariu União   da Juventude  Maubere (UNMA)  CPD-RDTL nian.

Jose Luis Guteres  fo mos apresia dala ida tan ba CPD RDTL tanba  bele konvida Prezidente Republika Taur Matan Ruak, Ministru Planeamentu Investimentu Estratejiku (MPIE) Kay Rala Xanana Gusmão, Prezidente partidu FRETILIN, Francisco Guteres’Lu-Olo’ para sira bele fahe mos sira nia  hanoin, maibe  iha tempu ne’e lider sira ne’e la marka sira nia  prezensa.

“Ita bele hanoin la hanesan,  ita bele diskorda malu, maibe hanesan Timor oan ita presiza rona netik malu nia liafuan, bele los bele sala, maibe ita presiza rona malu, ne’e maka  ohin (horseik) loron ha’u mai koalia ho imi atu fo ha’u nia hanoin kona-ba pasadu istoria saida maka ita nia kontribuisaun imi iha rai alran FrentiArmada, Frenti Klanestina, ami hakruk ab imi, tanba hare’e didiak ami iha rai liur ami nia liman ain diak hela, tortura la iha terus iha, maibe   ita bo’ot sira kumpara karik ami hakruk ba imi, tanba rekonhese katak,  iha Timor Leste tempu ne’eba tempu difisil,  ita bo’ot sira maka iha linha de Frenti atu defende independensia soberania Timor laran,  ne’ebe ha’u ema Frenti diplomatika ha’u fo respeita tomak ba imi,”tenik  Jose Luis Guteres.avi

Jornal Nacional