LABARIK TIMOR MENUS ATENSAUN • BANATI TUIR LA SAMA

Loron 1 fulan Juñu, tinan-tinam, hanesan loron importante iha mundu tomak atu komemora loron mundial direitu labarik nian, tanba ne’e hare ba situasaun no kondisaun labarik iha Timor Leste seidauk iha atensaun diak ba direitu labarik tanba ne’e Parlamentu Nasional (PN) husu atu Governu tenke investe makas iha seitor Edukasaun no Saude.

Prezidente Bankada Frenti-Mudansa (FM), Jose Luis Guteres hatete, loron 1 fulan June ne’e atu dedika ba labarik tomak iha Timor laran no mos ba Aman no Inan sira tanba labarik hanesan futuru ba nasaun.

Labarik sira nia Edukasaun Eskolar no edukasaun moral ne’e aman ho inan sira bele ajuda atu kria kondisaun ba sira atu nune’e aban-bainrua sira bele sai dezenvolvimentu nasaun nian nebe halo ho paz no estabilidade iha ambiente ida labarik sira bele dezenvolve kultural signifikamente iha futuru.

“Ohin importante ba ita hotu, ita nia nasaun ne’e joves tebes, ita nia populasaun mos joven mak barak liu, tanba ne’e ita tomak tenke halo reflesaun par kontinua nafatin defende direitu labarik nian no mos husu ba Governu atu investe liu iha seitor edukasaun no Saude ba ita nia rai laran,” dehan Deputadu Jose Luis iha PN, Kuarta (01/06/2016).

Nia dehan tan katak, oras ne’e dadaun labarik barak mak abandona no sidauk ezerse sira nia direitu tanba ne’e persiza haforsa ho edukasaun familiar.

“Ita iha problema barak iha Timor Leste no ita nia populasaun mos uma ka habitasaun ne’e mos barak mak seidauk diak, depois iha uma laran ida ema barak mak hela, liliu tan iha Dili ne’e, familia ida mais ema barak mak hela,” tenik nia.

Deputadu ne’e sujere tan katak kuandu hakarak Estadu bele rezolve buat balun iha Timor entaun persiza mos hahu husi habitasaun, nune husu mos ba Igreja atu habelar informasaun no fo nafatin moral nebe diak.

nia hatutan, husu liliu mak ba Inan no Aman sira atu fo moral nebe diak ba labarik sira nune bele iha sosiedade nebe dezenvolve ho respeitu ba malu.

biban ne’e, membru PN husi Bankada PD,  Vigilho Hornay husu ba jerasaun foun atu banati tuir hahalok saudozu Fernando Lasama.

“Hau hanesan kuadrus Partidu Demokratiku (PD) ida i sosiadade Timor tomak mos hatene, Lasama laos sai figura propio ba iha PD deit maibe sai mos hanesan figura nasional ho nia hanoin estadistiko katak laos hare deit problema partidu nian maibe hare mos kestaun de intrese nasional nian, nia pensamentu, nia konviksaun ba situasaun em jeral liga ho nia servisu,” dehan Virgilho Hornay.

Nia hatutan Timor lakon jerasaun foun nebe ho lideransa mais akumulativo katak akumula ema hotu hotu nia hanoin ba intreze dezemvolvimentu nasaun ne’e nian.

 “Hanesan ema Kristaun ita mos fiar katak dalan nebe que nia ba, ita hotu hotu nia dalan, nebe hau hanoin ida ne’e maka realidade moris iha mundo ida ne’e, hanesan organizasaun Partidu, ami sei selebra ba nia tinan deslutu nian ne’e atu fo homenagen ida hanesan despedida ida ho familia” dehan Virgilho.

Wainhira husu kona ba persija ka lae jerasaun atu banati tuir soudozu Lasama, Deputadu ne’e hatete jerasaun foun ne’e situasaun ida, jerasaun foun buat ida estaveta lideransa  ne’e laos estatistik mais buat ne’e dinamik, prosesu maka hahoris ho nia natureza katak buat ida transformasaun ba lideransa ne’e natural maibe lideransa tuan ba lideransa foun ne’e prosesu natureza maka lori ba, mais natureza atu hetan karakter ida tama figura hanesan ne’e lafasil atu hetan.

“Hau hanoin ne’e kestaun umanu maibe jerasaun foun sira tenke kompremitidu an nafatin hodi halo dezempenamentu ida nebe diak ba prosesu konstrusaun nasaun ida ne’e nian mak importante, tan dala barak ona nia koalia katak Timor oan nia omilidade importante atu lori interese nasional tau iha oin duke interese privadu ka grupu, ida ne’e tenke afasta sai husi interese nebe mais partidaria, ka grupu no familiar ne’e tenke avasta tia para hodi servi karik servi interese nasional nian,” dehan nia.

Alende ne’e nia dehan, preparasaun Partidu Demokratiku nian sei hamutuk ho familia hahu husi Misa ba deslutu saudozu nian ne’e hodi ba tau ai-funan iha semiteriu no fila familia sei oferese jantar hamutuk ho konvidade, ho familia tomak. Nes

Jornal Nacional