DILI
– Vise Komisaun A Parlamentu Nasional (PN) deputadu Arao Noe hateten, ema
neebe labenefisiariu regalia nee maka Xanana Gusmao, sira seluk neebe eis
titularis nee foti hotu, inklui eis Prezidente Ramos Horta.
Nia
hateten, regalias sira seluk ba eis deputadu, eis membru Governu maka 100%
salariu baziku buat seluk laiha, iha deit pasaporte diplomatic, iha direitu
para hatama kareta ou material halo uma durante tinan lima nia laran dala ida.
Hau
hakarak hateten lolos so ida neebe maka labenefisiariu husi ida nee so maun
Boot Xanana deit, sira seluk neebe eiS titularis sira nee foti hotu, inklui eis
Prezidente Ramos horta, hau lakoi dehan katak, sira neebe lakoi simu nee
direitu sidadun sira nian,” dehan deputadu Arao ba STL, iha PN, Dili, Tersa
(013/09/2016).
Iha
fatin hanesan membru PN husi bankada CNRT Izilda da Luz Pereira Soares hateten,
nia iha PN hare enjeral, lahare ba deit Prezidente partidu, kestaun Xanana
lasimu regalis ida nee bele husu direita ba Prezidente partidu maka bele
esplika.
Entretantu
Observador Politika-UNDIL, Francisco Mausoro dehan, lei pensaun vitalisia nee
kria injustisa no halo diskriminasaun ba povu sira, tanba ukun-an nee sira atu
moris diak maibe sira kontinua terus. Informasaun kompletu iha STL Jornal no
STL Web, edisaun Kuarta (14/9/2016). Carme Ximenes
Suara
Timor Lorosae
Sem comentários:
Enviar um comentário