Veteranus Presiza Hamutuk

LAUTEM - Partidu Libertasaun Popular (PLP) nudar partidu alternativu ba veteranus sira, tanba nee husu veteranus tomak atu halibur-an hamutuk ho PLP hodi hadia dadus veteranus nian.

Deklarasaun nee fo sai husi Segundu Vise Prezidente PLP, Andre da Costa alias L4 ba STL wainhira remata estabelesementu estrutura iha Postu Administrativu Luro, kompostu suku 6 hanesan suku Kota Mutu, Wairoke, Afabubu, Laka Mua, Bari Kafa Luro, Munisipiu Lautem, Sabadu (10/09/2016).

Husu ba veteranus sira katak tenke hamutuk tanba ohin loron veteranus barak los tanba nee, hau sujere ba veteranus sira diak liu mai hamutuk ho PLP, se karik PLP manan sira nia dadus nee sei los,” dehan L4.

L4 haktuir, tanba nee objetivu husi sorumutu nee atu hasoru malu ho veteranus sira, intelektuais inklui populasaun sira iha postu administrativu Luro hamutuk ho PLP hodi hadia povu nia moris.

Iha sorin seluk, Koordenador Interinu PLP Munisipiu Lautem Carciliano Oliveira dehan, objetivu husi atividade nee atu estabele estrutura PLP nian iha nivel postu hanesan prosesu ida atu prense rekezitu hodi prepara ba konferensia no kongresu PLP iha munisipiu no nasional. Informasaun kompletu iha STL Jornal no STL Web, edisaun Kuarta (14/9/2016). Raimundo Sarmento Fraga

Suara Timor Lorosae