Labele Moe Iha Oan Defisiente, Tenke Haruka Asesu Ba Edukasaun

DILI  – Inan aman labele moe karik iha oan defisiente tenke haruka asesu ba edukasaun, tanba defisiente mos iha direitu atu asesu ba atividade saida deit hanesan mos ema normal.

Tuir Domingos Gusmao hanesan Asistent Organizasaun ADTL (Asosiasaun Defisiente Timor-Leste) katak, inan aman balu iha oan defisiente maibe sira husik deit iha uma, lakohi halo asesu ba edukasaun, i dala ruma sira lakohi hatama iha organizasaun defisiente sira, tanba sira moe atu haruka asesu ba edukasaun.

Ami hakarak hatete katak defisiente labele hela iha uma deit, ou labele hela iha fatin deit, maibe buka oinsa para atu asesu ba edukasaun no atividade hotu-hotu,” katak Domingos ba STL Tersa (29/11/2016), iha Comoro.

Nia hatete, ema defisiente nee atu asesu ba atividade sira nee importante liu mak iha parte edukasaun nian, liu-liu atu hatudu ba sosiedade sira katak defisiente mos iha diretiu atu asesu ba buat hotu. Mezmu dedisiente maibe hanesan sidadaun timor oan ida, iha diretiu hanesan mos ema normal sira atu aseau ba saida deit.

Nunee mos Defisiente Ahisaun Natalino Alexandre, husu ba inan aman sira labele husi oan sira neebe mak defisiente atu hela deit iha uma, tenke haruka sira asesu ba edukasaun liu-liu atu lori oan sira ba iha organizasaun defisiente sira, atu nunee sira bele halo atividade oin-oin hanesan hetan formasaun, no buat seluk tan. Informasaun kompletu iha STL Jornal no STL Web, edisaun Kuarta (30/11/2016). Guilhermina Franco

Suara Timor Lorosae