Foti Dadus Veteranus Deskonfia mosu Familiarismu, Taur Husu Tenki Lori ba Tribunal

AILEBERE- deskonfia komisaun homenazen neebe foti dadus veteranus iha suku Ailebere, postu Administrativu Iliomar hamosu familiarismu.

Tuir Povu suku Ailebere Eurico Jeronimo Katak prosesu foti dadus veteranus iha suku Ailebere hamosu familiarismu, tamba ida neebe mak ida kiik bele hetan 8-14, maibe balun nia partisipasaun boot maibe hetan deit 0-4.

Foti dadus veteranus hamosu familiarismu tamba balun idade kiik maibe partisipasaun funu too 8-17 tamba nee husu prezidente atu hare didiak dadus veteranus neebe mak sai prekupasaun boot iha Timor Laran,” dehan Eurico liu husi Sesaun husu no hatan Durante Dialogu Prezidente Republika Taur Matan Ruak Tersa (29/11/2016) iha Sede Suku Ailebere.

Nia mos husu ba estadu atu tetu didiak orsamentu neebe mak aloka ba iha pensaun veteranus no mos viazen estranjeiru neebe kada tinan sempre aloka boot, kompara ho orsamentu neebe halo dezenvolvomentu iha rai laran.

Iha fatin hanesan Abilio Fernandes Reforsa tan katak fodi dadus veteranus sira nian mosu Familiarismu mak barak, tamba balun nia partisipasaun funu la hesan pensaun neebe mak sira simu husi estadu.

Hatan Preokupasaun nee Prezidente Republika Taur Matan Ruak hatete Lei mos fo dalan ema ida hare hodi hare Prosesu neebe lalaos, no fasilita malu bele halo keixa ba komisaun homenzan no bele lori ba tribunal. Informasaun kompletu iha STL Jornal no STL Web, edisaun Kinta (1/12/2016). Timotio Gusmao

Suara Timor Lorosae