Horta: Diak Liu Eleisaun Antisipada

DILI - Dalan diak liu atu rejolve situasaun politika inserteja, neebe maka oras nee lao iha rai laran, maka eleisaun antisipada.

Eis Prezidente Republika Jose Ramos Horta hateten, Prezidente Republika maka halo desizaun se iha eleisaun antisipada ka lae, maibe dalan atu rejolve politika inserteja neebe maka lao diak liu rejolve deit ho eleisaun antisipada.

Hau hanoin situasaun nee rejolve deit ho eleisaun antisipada, tanba ita hotu hakarak eleisaun antisipada,” dehan Eis PR Horta, ba jornalista sira, iha Palasiu Governu, Kuarta (09/01/2018).

Portantu responde konaba Aliansa Maioria Parlamentar iha ona Governu Sombra, eis aman nasaun RDTL nee hateten, Governu Sombra ou Governu lalatak nee normal, Governu lalatak bele tinan lima, tanba iha Australia, iha tranjisaun Anglu Saksoniku iha Governu sombra, nee signifika ohin atu ba Governu tinan liman eleisaun foun manan sira ba Governu, enkuantu oposizaun bele Governu lalatak nee diak.

Iha fatin hanesan Porta vos Governu atual Sekertariu Estadu Konsellu Ministru I Komunikasaun Sosial hateten, Laiha problema Aliansa Maioria Parlamentar iha Governu Sombra, sira senti hanoin katak atu ukun laiha problema. 

Carme Ximenes/Maria Lay | Suara Timor Lorosae