GOVERNU SEI DEPENDE BA ASESOR INTERNASIONAL

Primeiru Ministru (PM), Rui Maria de Araújo rekoñese katak, Governu sei depende nafatin ba asesor internasional sira hodi ajuda servisu Governu nian.

“Se ita lori asesor internasional ida mai servisu iha Timor ho osan US$ 100, nia mai ka la’e, se nia la mai, prejudika ita nia servisu ka la’e. se ita presiza duni nia, entaun tenki lori nia mai duni,”dehan PM Rui Araújo ba jornalista sira iha Palasiu Governu, Kinta (28/5).

PM Rui Araújo esklarese lia hirak ne’e, relasiona ho preokupssaun públiku nian kona-ba, asesor internasional sira manan US$ 16 mill to’o US$23 mil kada fulan, maibé la produs buat ida.

Rui Araújo husu públiku atu labele fó sala ba asesor internasional sira ne’e, tanba Estadu Timor Leste mak kontrata sira atu mai ajuda Timor Leste. Maibé Xefe Governu ne’e dehan, kuandu asesor internasional sira ne’e la produs buat diak, tenki fó sala ba ema ne’ebé zere asesor sira ne’e.

“Ita kuandu koalia buat ida, labele iha tendensia tu fó sala ba asesor sira ne’e, maibé tenki hare mós ba mekanismu supervizaun ema ne’ebé zere sira,” relata Rui Araújo.

Maibé Xefe Governu ne’e dehan, nia kompriende kona-ba preokupasaun Timor-oan sira nian, kona-ba asuntu ida ne’e, maiibé persija hare mós nesesidade Estadu nian husi parte global nian.

Rui Araújo mós rekuñese katak, los duni, kuaze maioria Timor-oan sira maka manan US$ 100 kada fulan, maibé asesor sira mana US$ 12 mil kada fulan.

“Asesor sira ne’e ida-ida ho nia kontratu no iha kontratu ne’e nia laran, iha termo de referensia, i husi termo de referensia ne’e iha planu de traballu, no husi planu de traballu ne’e, iha indikador dezenpeñu,”relata Rui Araújo

Nia esplika, ida ne’e signifika katak, sira tenki halo servisu tenki tuir termo de referensia no tenki tuir planu. Kuandu assessor sira ne’e maka la produs, entaun supervizaun iha amibitu sira maka la konsege halo supervizaun ho diak.

Rui Araújo fó ezemplu, kuandu asesor ida hala’o servisu iha Diretur Jeral ida nia okos, Diretur Jeral ne’e iha obrigasaun atu superviziona asesor ne’e nia dezempeñu. Kuandu nia la produs buat diak, hapara tiha nia kontrata fali ema seluk.

“Ita bele lori jurista ida, ema ida ne’ebé kompriende lei Timor nian diak, mai husi Portugal ka Australai, selu osan hanesan ema Timor-oan, bele ka la’e?, sei labele, entaun ita persija hanoin, tanba ita persija espesialista ida iha área ida ne’e,”katak nia.

Rui Araújo haktuir, bainhira Timor Leste rekruta asesor internasional sira, Governu kopera iha merkadu internasonal, tanba asesor internasional sira ne’e, nasaun barak maka persija. entaun kuandu Timor Leste selu deit mill mai karaik, sira lakohi atu mai servisu iha Timor Leste, tanba nasaun seluk selu nia liu husi ida ne’e.

Rui Araújo hatutan, asesor internasional sira ne’e, la tama iha despezas superfulles, no laiha razaun katak, durante ne’e asesor internasional sira ne’e la produs buat diak.tap

Jornal Nacional