Estadu koko daudaun atu hadi’a difikuldade sira liuhosi halo pagamentu no reseita – PM

Estadu hadi'a daudaun difikuldade sira tantu iha sistema rekolla reseita, maka hanesan tributária sira, nune’e mós iha pagamentu, liu liu ba buat ne’ebé iha relasaun ho Ministériu oioin no finansas, dehan ohin primeiru-ministru.

Primeiru-ministru ko’alia iha konferénsia imprensa hodi halo aprezentasaun relatóriu ne’ebé Governu halo loron 100, hala’o iha semana ida ne’e, hodi esplika liu ba aspetu prosesu orsamentál nian.

Rui Maria de Araújo fó sai katak sei iha nafatin difikuldade iha área administrativa sira, tanba – presiza halo reforma fiskál, ne’ebé la’o daudaun - hodi "impede Estadu atu hetan tan reseita".

Relatóriu ne’ebé ohin aprezenta ona katak Governu Timor  kobra ona reseita fiskál sira ho valór  dolar millaun 18,3 iha ninia loron 100 dahuluk nian, ka 24% hosi objetivu totál ba 2015 (millaun 76,1).

Ko’alia kona-ba taxa persentajen ne’ebé "ba sé" maka presiza, Rui Araújo hatuir hodi dehan katak maski Estadu buka hadi’a daudaun maibé mós prosedimentu ba sira ninia pagamentu.

Empreza sira iha Timor-Leste lamenta ho prosesu ne’ebé kleur tebes hodi halo pagamentu ho atrazu sira to’o tinan ida iha pagamentu, ezijénsia burokrátika ne’ebé oioin no papél barak maka butuk hela presiza atu aprezenta ho kada fatura.

Iha kestaun ne’e Rui Araújo dehan katak Banco Central no Ministério das Finanças serbisu daudaun iha sistema pagamentu eletróniku foun maibé agora hela de’it atu "liga ajénsia sira hosi Governu ho responsabilidade iha despeza sira.

"Pagamentu sira baibain halo uluk iha ministériu sira, ne’ebé halo despeza, no Ministério das Finanças só kumpre funsaun atu kontrola no tezouraria. Dala barak problema la’ós de’it iha Finanças maibé mós iha ministériu sira", dehan.

"Ita presiza hadi’a funsionamentu entre ministériu oioin sira no Finanças. Ha’u hein katak iha tinan 2016 ita bele rezolve ida ne’e", nia dehan.

Kona-ba nível orsamentu 2015 – ho valór totál dolar millaun rihun 1,57 - relatóriu hatudu katak to’o 26 Maiu taxa ezekusaun despeza maka 34,1% no reseita 31%.

SAPO TL ho Lusa