Prepara Jerasaun Foun Ukun Nasaun, Komesa Uma Laran

ERMERA - Preparasaun Jerasaun foun hodi ukun nasaun komesa husi Familia uma laran hanesan Hanorin oan hodi hamos tos, tan nee aprende ukun tenki esforsu Aan no aprende barak labele tur hein deit atu ukun kuandu la prepara Aan ho didiak.

Liu husi Sesaun husu no hatan Gordao Exposto Dos Santos hatete prossu Estadu akompaina zerasaun foun atu ukun nasaun hodi troka jerasaun tuan sira.

hau hakarak husu Estadu ninia akompania ba Jerasaun foun sira nia prosesu ba ukun nasaun, tamba ita hare jerasaun tuan sira mak ukun nasaun povu laran metin maibe susar oituan kuandu jerasaun tuan laiha hotu,” dehan Gordao durante Dialogo, Kuarta (12/08/2015) iha suku Delesu.

Nia mos Preokupa kona ba ekipamentu Despostu tamba joven barak mak iha talentu kona ba desportu, maibe laiha ekipamentu tan nee husu estadu atu fo mos atensaun ba jovntude sira.

Nune mos Rosalino fatima Soares kestiona kona ba kompania sira nebe mak implementa Projetu iha baze, balun laiha kualidade tan nee husu ba governu atu taka tiha kompania nebe mak laiha kualidade.

Hatan Preokupasaun nee Prezidente Republika Taur Matan Ruak hatete Preparasaun Jerasaun foun troka jerasaun tuan nee natural, hanesan mos familia ida hanorin oan hodi hamos batar duut iha tos laran. Informasaun kompletu iha STL Jornal no STL Web, edisaun Sesta (14/8/2015). Timotio Gusmao

Suara Timor Lorosae