Situasaun
ruma mosu maka tenta atu kria instabilidade, membru F-FDTL ho Polisia Nasional
Timor Leste (PNTL) tenki marka pozisaun tuir ordem komando.
Xefi
Estadu Maior Jeneral F-FDTL, Major Jeneral Lere Anan Timur hateten, se
situasaun ruma maka tenta dezvaloriza estabilidade nasional, maka
F-FDTL ho PNTL prontu atu asegura tuir ordem komandu nian.
“Iha
ordem ida, iha deretiva ida, iha regra empeniamentu ida, lalika ta’uk, naran
imi rona ordem, implementa ordem no rona imi nia komandante. Imi lalika ta’uk halo
de’it,” hateten Lere Anan Timur iha ninia intervensaun iha Aniversariu Polisia
Militar ba dala XII, iha Quintal Bo’ot-Dili, Sesta (20/01/2017).
Lere
reforsa liutan, wainhira sira hakarak koko forsa F-FDTL ho PNTL nian koko bá
lalika tauk, kuandu deretiva, ordem implmentasaun operasaun ne’ebe nia parte
mak sei responsabiliza, maibe kuandu lanu baku ema ruma iha diskotika
responsblidade idak-idak nian.
Lere
hatutan katak, iha nasaun ne’ebe de’it sempre dehan militar ho polisia mak
viola dereitus humanus, mais ne’e dala ruma bosok no la lo’os, militar ho
polisia halo asaun, viola dereitus humanus tanba sira lahatene ambiente Timor
Leste ninian.
Lere
hateten, la admite ema ida mak viola ema atus ba atus nia dereitu nusa maka
labele baku, labele silu nia ain no labele óho nia, ne’e ema ne’ebe defende
dereitus humanus mós bosok.
“Nasoens
sira ne’ebe ke viola dereitus humanus barak liu mak mai bosok iha Timor dehan
la bele viola dereitus humanus, maibe Timor Leste dalaruma uniku iha mundo sira
ne’e maka respeitu dereitus humanus,” hateten Lere.
Lere
fo ezemplu konkreta katak, durante funu tinan 24 nia laran ho nasaun
Indonesia fila hakuak malu ho Indonesia ne’e mundo nasaun seluk la halo
hanesan ne’e.
Lere
hateten, apartir Polisia Militar ho Polisia Nasional Timor Leste servisu
hamutuk paraser la’os operasaun konjuntu, mais karakater forsa ninian
kooperasaun kompania, kordena malu disiplina iha operasaun nia laran.
Lere
dehan, apezar iha defisiensias husi kondisoins marteriais ba operasaun maibe,
uja marteriais ne’ebe ke iha hala’o knar, no sei trata neneik hodi Timor Leste
mos bele sai hanesan forsa nasaun sira seluk ninian ho ezersisiu ne’ebe
struktur sira husi Brazil tenke halo tuir.
Husi
ezersisiu maubere 1 to’o 4 no ezersisisu maubere 5 tinan ne’e iha defikulidades
ba lingua tanba formasaun hotu-hotu ho lian portugues tenke esforsu án hodi
hatene ne’e mak profesionalismu.
Disiplina
Major
Jeneral Lere Anan Timur afirma ba ninia membrus militar hotu atu dedika án iha
instituisaun nia laran hodi mantein disiplina no profesionalismu.
“Hanoin
katak tinan 12 situasaun oin seluk, tanba ida ne’e mak tinan
2017 ha’u nudar imi nia komandante hau fó palavra de
orden mantein profesionalismu, disiplina ou disiplina profesionalismu,” afirma
Lere Anan Timur.
Lere
hatutan katak tanba sá apela disiplina, reforsa displina ho profesionalismu iha
tinan ne’e, tanba tinan 2017 deferensia ho tinan sira seluk-seluk iha tinan
lima-lima nia laran, Forsa Defesa Timor Leste liu-liu Polisia Militar hamutuk
ho Polisia Nasional Timor Leste sei infrenta situasaun ida ne’ebe sei
mai. Nune’e, ho situasaun sira ne’e dezafia, savi kapasidade sé mak displina ou
lae, professional ka ou lae iha tinan 2017 ne’e.
“Ha’u
hanoin polisia militar imi hatene imi nia misaun i imi hatene imi nia dever 24
oras prontu, imi labele kompara imi nia án hanesan funsionariu sira
seluk-seluk,” hateten Lere.
Lere
sublina liutan, deferensia iha tinan 2017 tanba sei iha eleisoens hodi hadau
malu kadeira liu-liu ba politik no matenek sira, balun hakarak sai Prezidenti,
Ministru, Sekretaris Estadu no balun hakarak sai deputadu, ba militar hotu
labele involve ba buat ne’ebe ke regulamentu disiplinar militar bandu.
Lere
fundamenta liutan katak nudar Polisia Militar(PM) koalia konaba Displina,
Professionalismu tenke hadia án uluk hodi forsa sira seluk-seluk halo’o tuir,
sei PM mak sabraut forsa mos sei sabraut, tenke hadia komportamentu no displina
sé seidauk displinia lolos.
“Polisia
Militar ba Militar tomak tenke hadia án, se imi la hadia án ita bele esforsu
oinsa mos ita nia servisu nunka iha susesu,” hateten Lere.eus
Jornal
Nacional
Sem comentários:
Enviar um comentário