Ministru ba Reforma Lejislativu
ho Asuntu Parlamentar sira Timor-Leste nian, Fidelis Manuel Magalhães, eleitu
ona iha loron-kuarta ne'e nu'udar prezidente hosi Fórum Ázia-Pasífiku ba
Dezenvolvimentu Sustentável.
Fórum hasoru malu hela iha
Bangkok, iha Tailándia, to'o loron-sesta, hodi analiza progresu hosi rejiaun
Ázia-Pasífiku iha objetivu sira hosi dezenvolvimentu sustentável nian ne'ebé
hato'o iha Ajenda 2030, ho funsionáriu importante sira hosi governu sira,
funsionáriu sira hosi organizasaun sira ONu nian no hosi reprezentante sira
hosi sosiedade sivil nian no hosi setor privadu.
Fidelis Manuel Magalhães
konsidera ona, iha entrevista ba ONU, katak eleisaun ba prezidente hosi Fórum
Ázia-Pasífiku nian ba Dezenvolvimentu Sustentátel hanesan "rekoñesimentu
ida hosi lideransa Timor-Leste nian no rekoñesimentu ida hosi kompromisu"
nasaun nian "hodi hetan objetivu sira hosi dezenvolvimentu sustentável
nian".
Ministru timoroan konsidera mós
Planu Estratéjiku hosi Dezenvolvimentu 2011-2030 hanesan ezemplu hosi empeñu
Timor-Leste nian hodi hetan objetivu sira hosi dezenvolvimentu ho kompromisu
sira ho komunidade internasional.
Fidelis Manuel Magalhães adianta
ona katak iha tinan oinmai sei halo negosiasaun sira entre ONU ho Timor-Leste
hodi prepara kuadru foun ida hosi asisténsia ONU nian ba dezenvolvimentu
(UNDAF) to'o tinan 2025, ho objetivu atu nasaun aziátiku ho lian portugeza sai
hosi lista hosi nasaun subdezenvolvidu sira.
Lista koñesidu ho naran LDC
(Least Developed Countries) no adopta tinan-tinan hosi ONU nomeia grupu ida
hosi nasaun sira ne'ebé iha Produtu Internu Brutu (PIB) ki'ik, ativu humanu
ne'ebé ki'ik no ne'ebé hasoru ekonomia fraku maka'as.
Kuadru prezente UNDAF ba
Timor-Leste indika katak to'o tinan 2020 Timor-Leste "sei hanesan
sosiedade justu ida, ne'ebé dignidade ema nian no direitu ema nian hanesan
valorizadu, protejidu ho promovidu hosi lei sira ho kultura".
Dokumentu hanesan hatudu katak,
to'o tinan 2030, "Timor-Leste sei sai hanesan nasaun forte ida, koezivu ho
progresivu, ne'ebé sei proteje direitu ho interese sira sidadaun sira ne'ebé
fraku liu".
UNDAF hanesan baze ida hosi
informasaun sira hosi indikador ho taxa sira ne'ebé hatudu oinsá nasaun bele
hadi'a (iha asesu ba edukasaun, kuidadu saúde nian, bee-moos no eletrisidade,
no seluk tan), hodi fó kondisaun sira moris nian iha nível hosi nasaun
dezenvolvidu sira.
Tuir organizasaun hosi Fórum
Ázia-Pasífiku, partisipante sira sei halo, durante loron tolu, análize klean
ida hosi progresu rejiaun nian kona-ba objetivu oioin hosi dezenvolvimentu
sustentável nian, liuliu iha área edukasaun, serbisu, dezigualdade, asaun
klimátiku, dame ho parseria sira.
Iha diskursu abertura nian, iha
loron-kuarta, visi-sekretáriu-jeral ONU nian, Amina Mohammed, asinala ona katak
haree "lideransa desizivu ida" hosi governu sira hosi rejiaun
Ázia-Pasífiku ho Ajenda 2030 no felisita ona investimentu sira ho parseria sira
hosi nasaun sira iha dezeñu hosi estratéjia sira no polítika sira ba
dezenvolvimentu progresivu ida, ho kobertura maka'as hosi dadus ho estatístika
sira.
Enkontru ne'e serve hodi prepara
Fórum Polítika ho Nível Aas, ne'ebé sei halo iha loron 09 to'o 18 Jullu iha
Nova Iorke, Estadus Unidus, ho tema "Kapasita ema sira ho hametin
inkluzividade ho igualdade".
Lusa | iha Sapo TL
Sem comentários:
Enviar um comentário