segunda-feira, 1 de abril de 2019

PR hakarak polísia haree liu ba sidadaun sira no bele hatán ba dezafiu sira

PARTILHAR

Polísia Nasional Timor-Leste (PNTL) tenki reforma hodi hatán di'ak liu ba nesesidade sira hosi sidadaun sira no bele hasoru dezafiu sira hosi krimi no inseguransa, afirma hosi Prezidente Repúblika iha loron-kuarta ne'e. 

"Hakarak halo reforma ida hosi sistema polisial ne'ebé adapta ba realidade no orientadu ba sidadaun sira, maibé obedese ba vizaun futuru ida ne'ebé bele hatán ba krimi no inseguransa, ba kombate burokratizasaun ne'ebé maka'as, hodi hamenus distánsia ne'ebé eziste entre polísia ho sidadaun no kolaborasaun ho integrasaun maka'as hosi entidade governamental sira", Francisco Guterres Lu-Olo hatete.

Prezidente afirma iha Díli katak Estadu tenki aposta "iha polítika públiku ida hosi seguransa ida kredível ne'ebé hatán ba nesesidade hosi sidadaun sira, hosi populasaun no rekoñese problema prinsipal ne'ebé maka hetan, liuliu, ba kriminalidade organizadu ho ekonómiku-finanseiru, kriminalidade jeral, korupsaun, terorizmu, no seluk tan".

Francisco Guterres Lu-Olo ko'alia iha Sentru Formasaun Polísia nian iah Díli iha serimónia hosi aniversáriu ba dala 19 hosi Polísia Nasional Timor-Leste (PNTL) nian, ne'ebé marka ho tomada pose ba komandante-jeral foun, Faustino da Costa, no komandante daruak, Mateus Fernandes.

Nia hatete katak okaziaun ida "hodi fó tributu ne'ebé merese ba Polísia Nasional, instituisaun fundamental ida hodi defende direitu sira, liberdade sira no garantia sira ba sidadaun sira, hodi realiza justisa no kriasaun hosi kondisaun ba governabilidade nasaun nian ne'ebé di'ak".

Maibé hodi reflete mós "kona-ba dalan ne'ebé hala'o to'o agora no dezenvolve mudansa nesesáriu sira hodi kontribui ba konsolidasaun hosi sistema seguransa internu modernu ida".

Ba komandante-jeral foun, Prezidente husik ona "liafuan estímulu nian", liuliu haree ba "reforma no modernizasaun" nesesáriu hosi forsa sira no serbisu sira seguransa nian ne'ebé tenki hala'o ho "dalan serenu maibé desidiu" ba nasaun di'ak.

"Laiha liberdade lahó seguransa no, klaru, laiha seguransa lahó liberdade", nia afirma, hodi refere ba ekilíbriu entre "valor sira liberdade nian no valor sira seguransa nian" hodi hatán di'ak ba kompleksidade sosial sira.

Lu-Olo aproveita mós momentu hodi husik nia "konsiderasaun ho rekoñesimentu públiku" ba komandante-jeral anterior, Júlio da Costa Hornay, "tanba forma distintu no dedikadu bainhira hala'o mandatu no tanba nia sentidu serbisu ne'ebé aas ba nasaun no ba instituisaun polisial".
Rekoñesimentu ida simboliza ho Medalla Méritu ne'ebé entrega hosi xefe Estadu nian.

Lu-Olo konsidera ona katak presiza haree fali ba estratéjia seguransa interna nian, "klarifika kompeténsia sira hosi Forsa ho Serbisu Seguransa nian integradu iha sistema ida ne'ebé boot no abranjente hosi Seguransa Nasional no iha baze hosi prinsípiu sira komplementaridade nian no interasaun ho Sistema hosi Defeza Nasional".

"Estadu tenki defini, ho klaru tebes, área sira ne'ebé halo parte hosi intervensaun nian, iha domíniu hosi seguransa interna, hodi nune'e, labele delega. Ne'e hanesan objetivu ida ne'ebé, iha permanénsia, tenki hetan konsensu maka'as no atensaun prioritáriu ida hosi ajente polítiku tomak no hosi órgaun sira soberania nian", nia afirma.

Prezidente hatete katak PNTL tenki iha atensaun ba tendénsia sira - informasaun sira hatudu aumentu ida hosi kriminaliade no sinistralidade rodoviáriu nian - no hatene hatán "ba mudansa sosial sira, ekonómiku sira ho polítika sira ne'ebé maka haketak komunidade sira".

Tanba ne'e, no "iha momentu hosi mudansa sira, eziji ba Estadu lideransa forte ida hodi diriji reforma polítika hosi definisaun ba modelu polísia nasional nian ne'ebé maka hakarak halo, hosi restruturasaun ba nia serbisu sira nune'e mós adopsaun hosi prátika polísia foun sira", nia afirma.

Asaun prevensaun sira, polisiamentu proximidade sira, respeitu ba ema sira nia direitu no reforsu konfiansa ida entre polísia ho sidadaun sira, hamutuk ho "orsamentu kredível sira hodi kumpri nia misaun sira no ba investimentu nesesáriu sira iha nia modernizasaun", hanesan importante, afirma hosi PR.

"Iha kuadru ida hosi restrisaun orsamentu maka'as presiza organiza no formula fali prosesu sira, hili polítika seguransa foun sira no polítika governasaun foun sira, hodi nune'e Timor-Leste sai hanesan nasaun ida ne'ebé seguru liu, justu ho ekilíbradu liu no ho kualidade boot ida iha área seguransa nian", nia subliña.

Nia hatete tanba ne'e hanesan "importante konsensu polítiku boot ida iha área sira ne'e entre governu, instituisaun sira, poder lokal, sosiedade sivil rasik, hodi iha koperasaun boot ida hodi salvaguarda hosi direitu sira no ba ema hotu nia di'ak".

Nia hatete, iha tempu hanesan presiza "haree rejimi jurídiku ho disiplinar" hosi ajente sira ho efetivu sira "no nia dever ho direitu sira, rejimi hosi seguransa sosial, rejimi remuneratóriu, valorizasaun hosi kareira polísia sira nian no salvaguarda nia espesifisidade sira iha área ne'ebé maka diferensia sira hosi administrasaun públika Estadu nian".

"Efikásia ho prestíjiu hosi forsa sira seguransa nian depende tebes hosi aprovasaun hosi estatutu profisiona pesal nian ho funsaun polisial sira ne'ebé proporsiona rekoñesimentu boot, dignidade, humanizasaun ho garanti ba polísia sira kondisaun adekuadu sira hodi kaer sira nia knaar", nia konklui.

Lusa | iha Sapo TL
PARTILHAR

Author: verified_user

Publicação luso-timorense sem fins lucrativos

0 comentários: