Ministra Edukasaun timoroan nian
hakarak Sentru Aprendizajen ho Formasaun Eskolar (CAFE), ne'ebé hanorin hosi
profesor portugés sira ho profesor timoroan sira, sai independente liután, ho
intervensaun iha eskola públiku sira ne'ebé besik.
"Karik ne'e hanesan dalan
hodi hala'o, halo eskola sira CAFE nian sai independente liután no, iha parte
seluk, aumenta tan intervensaun ba eskola sira ne'ebé besik", afirma hosi
Dulce Soares, iha inaugurasaun, iha loron-tersa, ba instalasaun foun sira CAFE
nian iha Maliana.
"Laiha dúvida, no la
kestiona kontinuidade hosi projetu CAFE, ne'ebé sei ezisti nafatin, sei aumenta
nia turma sira to'o 12º ano. Hafoin ne'e, hamutuk ho Portugal, liuliu hosi
Embaixada Portugal nian, ami sei defini estratéjia sira", nia hatete.
Dulce Soares ko'alia iha Maliana,
ne'ebé iha loron-tersa ne'e inaugura ona instalasaun foun sira CAFE nian, obra
ida ne'ebé hahú iha tinan 2012, maibé konklui de'it iha tinan ne'e, iha sala
aula hamutuk 12, sala profesor sira nian, fatin multimédia ho biblioteka.
Dulce Soares rekoñese katak,
maski foun, instalasaun sira la sufisiente nune'e maka CAFE Maliana nian sei
kontinua uza sala sira hosi Eskola Báziku Sentral Odomau nian.
Situasaun sei kontinua dezde
tinan 2010, "infelismente, hamosu problema ba funsionamentu normal hosi
eskola sira", maibé tuir ministra hamosu benefísiu sira ba profesor
timoroan sira.
"Konvivénsia loron-loron
entre profesor sira hosi eskola rua permiti ona aprendizajen di'ak no hadi'a
koñesimentu sira hosi parte sira hotu. Tanba kontinua funsiona turma balun CAFE
nian iha Eskola Odomau sei permiti de'it atu akontese nafatin partilla ba troka
koñesimentu ho esperiénsia ne'e", nia hatete.
Ministra hatete katak tanba
kolaborasaun kontinua, ajuda "reforsa atuasaun hosi Eskola sira CAFE nian
iha liña ida hosi intervensaun nian, liuliu iha formasaun no reforsu hosi
kapasidade sira profesor sira nian no hosi administrador sira hosi eskola
públiku lokal sira".
"Hanesan baibain, ha'u
hatene katak Embaixada Portugal nian ho Koperasaun Portugeza sei rona ami no
hamutuk ami konkorda iha diresaun sira ne'ebé ami sei foti", nia hatete.
Embaixador Portugal nian iha
Díli, José Pedro Machado Vieira, bainhira halo intervensaun, hatete katak
sentru Maliana nian hanesan "sasin klaru ida" hosi aposta Governu
timoroan nian "iha Edukasaun no iha promosaun ho konsolidasaun hosi lian
portugeza" iha nasaun.
"Ne'e hanesan projetu ida
ne'ebé konsidera hosi Portugal no, permiti mai ha'u hodi refere, hosi
Timor-Leste mós, ho importánsia maka'as ba dezenvolvimentu no ba kualifikasaun
boot hosi sistema edukativu nune'e mós ba kumprimentu hosi prioridade
estratéjiku sira ne'ebé defini hosi Governu Timor-Leste nian iha área
Edukasaun", nia refere.
Nia hatete katak eskola sira
"iha mós objetivu hodi reforsa parte hosi formasaun dosente timoroan sira
nian" ho "asaun sira kapasitasaun nian iha matéria formasaun hosi
profesor sira no hosi kuadru administrasaun no jestaun eskolar timoroan sira
nian".
"Hanesan konsiente ba
importánsia edukasaun nian, no ba priorizasaun hosi área ne'e hosi autoridade
timoroan sira nian, ho objetivu promove redusaun pobreza nian no garanti futuru
di'ak ida ba nasaun, liuhosi formasaun adekuadu hosi rekursu ema sira nian,
ne'ebé maka Koperasaun Portugeza fó nafatin atensaun partikular no dedika
empeñu espesial iha asaun sira ne'ebé maka halo iha área Edukasaun, ne'ebé
destina ona 80% resin hosi ajuda publika ba Timor-Leste", nia rekorda.
Ohin loron Sentru Aprendizajen ho
Formasaun Eskolar Malian nian - agora daudaun eskola ida hosi eskola 13 hosi
rede CAFE iha nasaun tomak - hahú funsiona ona hanesan eskola iha tinan 2010.
Fatin ida hisi Eskola Portugeza
Díli nian ne'ebé, hanesan rekorda hosi Dulce Soares, sai ona hanesan
"eskola dahuluk sira, la'ós iha Díli, ne'ebé hetan apoiu permanente hosi
profesor portugés sira", konta ho dosente na'in neen ho turma rua ida-idak
hosi pré-eskolar no hosi tinan dahuluk ho daruak, abranje nune'e ba alunu na'in
120 de'it.
Iha momentu ne'ebá, eskola sei
tuir kuríkulu portugés "no, tanba ne'e, la halo parte iha rede públika
hosi eskola timoroan sira nain, laiha kolaborasaun hosi profesor timoroan sira
nian", situasaun ne'ebé muda ona hafoin protokolu tinan 2011 nian ho
Ministériu Edukasaun portugés nian.
"Hahú momentu ne'ebá kria
ona, iha munisípiu tomak, Eskola Referénsia sira, ne'ebé uza kuríkulu nasional
Timor-Leste nian, manual sira ho kalendáriu eskolar, hosi Janeiru to'o
Dezembru, hanorin, no uza mós lian tétun", nia rekorda.
Hahú tinan 2015, akordu foun halo
ona mudansa sira seluk inklui mudansa hosi Eskola Referénsia sira ba atual
Sentru Aprendizajen ho Formasaun Eskolar sira (CAFE).
Nia rekorda ona katak ohin loron
eskola aumenta nafatin ho turma sira to'o 10ºano no total ida alunu na'in 641,
ho profesor portugés na'in 12 no profesor timoroan na'in 9, no na'in tolu sei
rekruta tan.
Lina Vicente, kordenador hosi
CAFE, hatete ba Lusa katak projetu agora daudaun iha profesor portugés na'in
140 no profesor timoroan sira na'in 200 resin, abranje alunu na'in 8.252 iha
nível oioin eskolaridade nian.
Eskola sia iha ona turma sira hosi
nível sekundáriu.
Lusa | SAPO TL
Sem comentários:
Enviar um comentário