quinta-feira, 23 de maio de 2019

Rejiaun timoroan Oecusse ho empreza hoteleira malaiu asina akordu ba hotel

PARTILHAR

Rejiaun Administrativu Espesial Oecusse-Ambeno (RAEOA) ho empreza malaiu Sutera Sanctuary Lodges (SSL) asina ona akordu ida hodi harii empreza ida ne'ebé sei hadi'a hotel foun iha enklave. 

Akordu ne'e asina hosi prezidente RAEOA nian, Mari Alkatiri, no hosi prezidente SSL nian, Edward Ong, iha serimónia ida iha loron-segunda ne'e iha Pante Makassar, informa hosi autoridade rejional sira iha komunikadu iha loron-tersa ne'e.

"Ami sei iha hotel ida ho estrela lima hodi simu ema sira ne'ebé to'o iha ami nia aeroportu internasional ho estrela lima no ne'ebé hakarak vizita ami nia ponte ho estrela neen", Mari Alkatiri hatete hodi felisita akordu.

"Ne'e hanesan projetu ida ba susesu Oecusse nian no ba susesu Timor-Leste nian", nia hatutan mós hodi refere ba akordu ne'ebé sei kria empreza lokal Oecusse Sanctuary Lodges (OSL) no ne'ebé asina ona iha salaun Hotel Ambeno nian.

Akordu nia objetivu maka RAEOA ho SSL kria empreza ida ne'ebé SSL sei iha maioria kapital nian no rejiaun administrativu sei iha "golden share" ida ne'ebé garanti kontrolu balun iha ezekusaun hosi projetu.

SSL hanesan empreza ida ne'ebé, iha dékada ida resin, promove hela, hamutuk ho autoridade timoroan sira, konstrusaun hosi megaprojetu Pelican Paradise, iha Díli, projetu ne'ebé sei hein Akordu Espesial Investimentu ida nian.

"Prosesu supera ona ami nia espetativa tomak", hatete hosi prezidente SSL, Edward Ong, kompara prosesu iha Pante Makassar ho projetu ne'ebé boot liu hosi empreza, Pelican Paradise, iha Díli.

"Liutiha tinan 11 tenta hahú operasaun iha Díli, iha-ne'e ami bele to'o momentu ne'e iha de'it fulan hitu nia laran, no ami harii ona relasaun ida ho baze iha konfiansa no respeitu maka'as, ne'ebé permiti mai ami ultrapasa dezafiu sira hotu", nia hatete.

Projetu ho dimensaun boot, Pelican Paradise, hetan beibeik adiamentu, no debate ona iha semana liubá iha enkontru ida ho responsável sira hosi Pelican Paradise Group, inklui Edward Ong, ho ministru Estadu hosi Prezidénsia hosi Konsellu Ministru no ministru kordenador ba Asuntu Ekonómiku sira iha ezersísiu, Agio Pereira.

Iha kauza maka dezenvolvimentu hosi kompleksu turístiku ida, ho investimentu ida ho dolar amerikanu millaun 700, iha área ida besik hektar 558, iha zona entre Tasi Tolu ho Tibar, ne'ebé sei inklui aleinde unidade hotel sira, kampu golf ida, fatin rezidensial sira, sentru dezenvolvimentu ida ba joven sira, eskola internasional ida, hospital internasional ida ho sentru komersial sira.

Kompleksu turístiku ne'e sei permiti kriasaun ba postu serbisu besik 1.500 iha faze konstrusaun nian, postu serbisu permanente hamutuk 1.300 hafoin konstrusaun no reflorestasaun hosi 80% hosi área projetu nian.

Iha kazu Oecusse nian, akordu asinadu ne'e hatete katak OSL sei hamosu kondisaun di'ak sira iha Hotel Ambeno foun - ne'ebé foin harii no seidauk loke ba públiku -, hodi pasa hosi estrela haat ba estrela lima.

Kondisaun hodi hadi'a ne'e inklui aumentu iha númeru kama sira, suíte prezidensial, jináziu, no valénsia ho estrutura sira seluk ho jestuan ida, ba tinan 50, "ne'ebé sei garanti standard internasional ida (Standard Malaiu ba Hotel sira ho fitun lima).

Projetu sei dezenvolve tuir ezemplu hosi infraestrutura sira ne'ebé premiadu Sutera Sanctuary Lodges, Poring Hot Springs, Kinabalu Pak, Manukan Island Resort ho Laban Rata, ne'ebé halo parte iha portfóliu hoteleiru hosi SSL.

"Kuidadu, iha prazu naruk, ba rekuperasaun hosi investimentu tomak hosi RAEOA iha hotel, ho baze iha avaliasaun ida hosi viabilidade finanseiru hosi investimentu no planu negósiu nian hosi entidade estranjeiru ida", subliña hosi komunikadu.

Sekretária Turizmu Komunitáriu hosi RAEOA, Inácia Teixeira, hatete katak parseira sei permiti "aprezenta Oecusse ba mundu bainhira hanesan destinu turístiku, atrai públiku maka'as, nasional ho internasional, ho oferta maka'as hosi kualidade no potensial ida ne'ebé mai hosi turizmu lazer nian, natureza ho kultura ba parte sira merkadu nian hanesan MICE (Meetings, Incentives, Conferences and Exhibitions) ho negósiu sira".

"Sei aumenta mós área hosi ami nia teritóriu ne'ebé sei promove hosi turizmu, inklui iha dimensaun sira hosi turizmu relijiozu, náutiku ho aventura, ba fatin sira hanesan Oesilo, Nitibe ho Passabe", nia hatete.

Nia subliña katak projetu bele ajuda "mobiliza investidor sira seluk, iha área sira ne'ebé la hanesan, hosi agrikultura to'o banka, hosi transporte ba telekomunikasaun sira", permiti mós "kria oportunidade no serbisu ba joven sira ho aumenta kualidade moris hosi povu Atoni no hosi timoroan sira iha jeral", nia hatete.

Lusa | SAPO TL
PARTILHAR

Author: verified_user

Publicação luso-timorense sem fins lucrativos

0 comentários: