Governu timoroan seidauk
transfere reseita rasik ruma hosi Rejiaun Administrativu Espesial
Oecusse-Ambeno (RAEOA) ba autoridade rejional dezde Orsamentu Jeral Estadu nian
(OJE) aprova iha fulan-Fevereiru, hatete hosi responsável rejional iha
loron-tersa ne'e.
"Lei hatete katak hafoin
Orsamentu promulga ona no publika reseita sira sai hanesan reseita rasik hosi
rejiaun. Maibé dezde promulgasaun to'o ohin loron reseita RAEOA rasik seidauk
transfere", hatete hosi prezidente autoridade rejional, Mari Alkatiri, ba
Lusa.
"Ami funsiona hela ho númeru
mínimu sira, iha termu duodésimu sira, ho osan ne'ebé iha kaixa", nia
esplika.
Alkatiri hatete katak dalabarak
ko'alia ona ho Ministériu Finansa no ho gabinete primeiru-ministru nian kona-ba
asuntu, no informasaun ne'ebé fó katak iha loron-tersa ne'e sei haruka "dokumentu
ida ba análize" kona-ba kestaun ne'e.
Responsável hosi RAEOA esplika
katak iha fulan-Janeiru ho fulan-Fevereiru rejiaun simu ona valor ne'ebé
koresponde ho rejimi duodésimu, ne'ebé sei aplika hela, maibé hahú momentu
ne'ebá maka seidauk halo transferénsia ida.
"Valor total hosi Orsamentu
maka millaun 76 de'it, nune'e hasai ona kapasidade ba RAEOA ba ami nia
investimentu sira iha infraestrutura", nia refere.
"Liuliu tanba millaun 40
resin sei selu ba despeza sira ne'ebé ami hasai hosi fundu sira hosi projetu
fíziku sira ne'ebé halo iha ne'e hodi selu projetu sira ne'ebé hala'o
daudaun", nia hatutan.
Tuir responsável, hanesan
importante tau fali fundu sira hodi permiti hahú projetu oioin, liuliu projetu
importante rua hosi estrada rejional sira, entre Ponte Noefefan, besik kapital,
ho Citrana, iha oeste enklave nian, no entre zona Tono ho Oesilo/Passabe, iha súl.
Lusa | SAPO TL
Sem comentários:
Enviar um comentário