Ekonomia timoroan sei aumenta
3,9% iha tinan ne'e, impulsiona hosi aumentu ida hosi gastu públiku sira,
hafoin tinan rua konsekutivu hosi kontrasaun ne'ebé mosu tanba laiha serteza
hosi polítika iha nasaun, haktuir hosi relatóriu ikus hosi Banku Mundial.
Relatóriu ekonómiku semestral
hosi Banku Mundial, fó sai iha loron-tersa ne'e, haree katak kontrasaun hosi
tinan rua ikus, ne'ebé to'o 3,8% iha 2017 no 0,7% iha tinan liubá, sei
revertidu iha tinan ne'e no iha tinan hirak tuirmai - previzaun maka aumentu
ida hosi 4,9% hosi PIB iha tinan 2021 - impulsionadu tanba aumentu hosi gastu
públiku no konsumu privadu ne'ebé maka'as.
"Ho aprovasaun hosi
Orsamentu Jeral Estadu nian (OJE) 2019 nian iha Fevereiru, ami hein katak sei
akontese rekuperasaun ekonómiku balun" hatete hosi Pedro Martins,
ekonomista xefe hosi Banku Mundial.
"Produtu Internu Brutu (PIB)
sei aumenta 3,9% iha senáriu ida hosi estabilidade ekonómiku ho polítika
maka'as. Gastu públiku ne'ebé maka'as, hamutuk ho konsumu privadu ida ne'ebé
forte liu, sei lori ba rekuperasaun ekonómiku", nia indika.
"Gastu públiku sira ho
saláriu sira ho benefísiu sira no mós benefísiu pesoal sira tuun iha 1 - 2% no,
nune'e, la konsege sustenta konsumu hanesan ne'ebé akontese ona iha 2017",
hatete hosi Banku Mundial hodi refere katak investimentu privadu mós hanesan
relativamente moderadu.
Relatóriu konfirma impaktu hosi
diminuisaun hosi gastu públiku sira iha 2017 no parte barak liu hosi 2018,
ne'ebé hahú koriji de'it iha trimestre ikus iha tinan liubá hafoin aprovasaun
hosi Orsamentu Jeral Estadu (OJE) nian.
Relatóriu refere katak ekonomia
hanesan "protejidu iha nível razoável hasoru xoke sira ne'ebé mai hosi
liu" maibé bele hanesan fraku hasoru folin sira, ba diminuisaun hosi
dólar, ka agravamentu hosi kondisaun finanseiru sira iha nível global.
Iha nível internu, Banku Mundial
refere nafatin risku doméstiku sira ne'ebé aas, hodi haree katak "tensaun
polítika sira" iha tinan hirak ikus ne'e "diminui ona maibé la lakon",
hodi rekorda katak Governu seidauk kompletu.
Saldu fiskal sei sai aat tanba
gastu boot sira hosi kofre públiku sira, menus Rendimentu Sustentável Estimadu
(RSE) hosi Fundu Petrolíferu no reseita doméstiku sira ne'ebé moderadu,
kontinua hanesan "preokupasaun importante ida iha prazu médiu".
Banku Mundial haree katak Fundu
Petrolíferu kontinua hetan nia saldu tuun, importante proteje populasaun no
investidor privadu sira, situasaun ne'ebé bele koriji ho eventual produsaun
hosi kampu sira Greater Sunrise nian no ho "hadi'a kualidade hosi gastu
públiku ne'ebé bele iha efeitu sira multiplikador kona-ba ekonomia".
Tuir istória, relatóriu husik
klaru katak dezempeñu hosi ekonomia timoroan sai fraku dezde 2008, bainhira
atinji aumentu hosi díjitu rua, ho aumentu médiu sira hosi PIB hosi 9% iha 2007
no 2011 no iha média hosi 4% entre 2012 ho 2016.
Iha 2017 ho 2018, "aumentu
ekonómiku negativu kontribui mós ba diverjénsia ida relasionadu ho tendénsia
rejional sira", refere hosi estudu.
Lusa | SAPO TL
Sem comentários:
Enviar um comentário