Responsável ida hosi Uniaun
Europeia konsidera ona, iha loron-tersa, katak Xina hanesan ator global
importante ida no bele hanesan parseiru ida Timor-Leste nian maibé defende ona
katak nasaun tenki diversifika to'o máximu nia parseria internasional sira.
"Xina hanesan ator
importante ida, maibé labele tau manu-tolun sira iha kaixa hanesan. Ha'u hanoin
katak ne'e hanesan saida maka sira hakarak halo: iha posibilidade ba númeru
boot hosi belun sira. Hanesan halo diversifikasaun", hatete hosi sekretáriu-jeral
Adjuntu hosi Serbisu Europeu hosi Asaun Externa (SEAE), Jean-Christophe
Belliard, ba Lusa.
Kestaun Xina nian hanesan asuntu
ida iha ajenda hosi diálogu polítiku anual dalima entre UE ho Timor-Leste, iha
loron-tersa ne'e, iha Díli, ne'ebé akontese iha ámbitu hosi Akordu hosi
Parseria Áfrika, Karaíba ho Pasífiku (ACP) - UE (Cotonou), no ne'ebé prezidi
hamutuk hosi ministru Negósiu Estranjeiru timoroan, Dionísio Babo, ho Belliard.
Hatán kona-ba asuntu hanesan,
Babo hatete ba Lusa katak Timor-Leste rona opiniaun tomak no kontinua aposta
hodi halo "belun barak".
"Ema europeu sira ho ema
amerikanu sira iha sira nia opiniaun. Timor-Leste hanesan nasaun soberanu ida
no independente no ami serbisu hodi halo belun barak no lakohi inimigu
sira", nia afirma.
"Hanesan nasaun soberanu,
ami hakarak atu ami nia parseiru sira, ema europeu ka ema amerikanu sira, Xina
ka nasaun sira seluk, respeita ami nia soberania no serbisu iha parseira ida
igualdade nian no la'ós hosi impozisaun ba interese sira", nia subliña.
Iha termu sira ne'ebé amplu liu,
enkontru iha Díli permiti ona, tuir Belliard, hametin koperasaun ho prazu naruk
hosi Uniaun Europeia ho Timor-Leste, ne'ebé tuir nia vertente sira - ligadu ba
Pasífiku, maibé ho aspirasaun sira hodi halo parte iha Asosiasaun hosi Nasaun
sira Sudeste Aziátiku (ASEAN) nian - iha asesu ba kanal oioin hosi apoiu
europeu sira.
Rekorda katak adezaun ba ASEAN
sei obriga Timor-Leste halo reforma oioin - hanesan hadi'a kondisaun sira hodi
halo negósiu iha nasaun - Belliard hatete katak UE iha disponibilidade apoia
hodi hatán ba dezafiu sira ne'ebé iha, inklui kombate korupsaun no diversifika
ekonomia.
"No tanba ne'e maka UE iha
ne'e hodi apoia sira, hodi ajuda hodi hetan objetivu sira ne'e. UE ho
Timor-Leste iha buat barak ne'ebé hanesan: hanesan demokrasia sira, apoia
prátika direitu ema sira nian. Ami iha razaun tomak hodi serbisu ho Timor-Leste.
No ami sei kontinua nafatin", nia afirma.
"Maski ‘Brexit’, UE aumenta
ona nia orsamentu esternu iha 30%. Hanesan valor konsiderável ida ba mundu
tomak no Timor-Leste halo parte. Iha problema balun iha ne'e, problema sosial
balun, no ami iha ne'e hamutuk ho Timor", nia hatete.
Dionísio Babo rekorda katak
koperasaun UE hanesan kleur ona, ho diálogu permanente ho regular, no enkontru
iha loron-tersa ne'e analiza kestaun sira hanesan governasaun di'ak, direitu
ema sira nian, demokrasia ho aspetu setorial sira kona-ba dezenvolvimentu ho
sustentabilidade hosi programa sira, inklui agrikultura ho peska,
produtividade, dezenvolvimentu rural ho infraestrutura sira.
Iha kampu hosi mudansa klimátiku
sira - tema ida ne'ebé iha relasaun UE ho Pasífiku - Timor-Leste defende katak
asuntu sei kontestualiza ho aspetu sira hanesan seguransa alimentar ho
produsaun agríkola, "kestaun sira prioridade nian iha Timor-Leste".
"Tanba ne'e hanesan
importante tau parte hosi fundu ba disponibilidade Timor nian hodi bele hasoru
ho prioridade sira dezenvolvimentu nian, liuliu kona-ba Planu Estratéjiku hosi
Dezenvolvimentu Nasional nian (PEDN)", nia observa.
Reuniaun iha Díli hetan
partisipasaun mós hosi ministru Agrikultura ho Peska, hosi Obras Públika, hosi
ministra interinu Finansa nian, hosi ministru interinu Administrasaun Estatal
nian, nune'e mós hosi sekretária Estadu ba Igualdade Jéneru ho Inkluzaun,
sekretáriu Estadu ba Protesaun Sivil ho komisáriu hosi Komisaun Antikorupsaun
nian.
Akordu Cotonou estabelese
koperasaun hosi Uniaun Europeia ba dezenvolvimentu ekonómiku, sosial ho
kultural hosi Estadu sira Áfrika nian, hosi Karaíba ho Pasífiku (ACP).
Lusa | SAPO TL
Sem comentários:
Enviar um comentário