Parlamentu timoroan aprova ho unanimidade ba kontratasaun majistradu estranjeiru sira

Parlamentu Nasional timoroan aprova ona iha loron-sesta ne'e ho unanimidade projetu lei ida ne'ebé permiti rekruta majistradu estranjeiru sira ba iha instánsia judisial sira Timor-Leste nian, tinan rua hafoin duni sai tiha estranjeiru sira ne'ebé hala'o knaar iha nasaun ne'e.

Proposta lei hosi "rejimi tranzitóriu ba rekrutamentu juis sira nian, prokurador sira no defensór p+ubliku sira ne'ebé la'ós timoroan" aprova tiha ona iha loron-sesta ne'e iha plenáriu ho apoiu hosi bankada parlamentar haat.

Halo tiha ona revizaun ba testu aprovadu iha debate iha komisaun nian hafoin aprovasaun dahuluk iha jeneralidade iha fulan-Outubru, liutiha tinan rua hafoin parlamentu aprova tiha expulsaun hosi majistradu estranjeiru tomak ne'ebé uluk serbisu iha Timor-Leste.

Expulsaun ne'e, ne'ebé envolve ema portugés oioin, hamosu momentu ida ne'ebé krítiku tebes hosi relasaun bilateral entre Portugal ho Timor-Leste no halo revizaun ba protokolu sira koperasaun nian hodi hadook majistradu sira ezekusaun diáriu nian hosi funsaun judisial sira nian.

Kazu ne'e hamosu mós tensaun maka'as entre majistratura no Governu timoroan ne'ebé, iha loron hanesan aprova ona rezolusaun adisional ida hanesan ho parlamentu ne'ebé kria ona Komisaun ida ba Auditoria hosi Sistema Judisial Timor-Leste nian, "hodi bele hala'o auditoria tékniku ida ne'ebé klean kona-ba funsionamentu hosi área Justisa nian".

Diploma ne'ebé aprova iha loron-sesta ne'e defini kritériu sira hodi kontrata majistradu estranjeiru sira "hosi órgaun sira jestaun no disiplina hosi majistratura sira no hosi órgaun hosi jestaun no disiplina nian hosi defensór públiku sira hodi, ne'ebé la'ós permanente, kaer knaar sira juís nian, prokurador sira no defensór públiku sira iha tribunal sira, inklui Kámara Konta sira nian, iha Ministériu Públiku no iha Defensoria Públiku".

Testu rekoñese sistema judisial timoroan ne'ebé fraku, ne'ebé esforsu hosi formasaun "seidauk permiti halakon insufisiénsia hosi juís no prokurador sira ne'ebé iha intensidade maka'as iha Tribunal Rekursu, inklui Kámara Konta nian".

Lejislasaun foun sei permiti kontratasaun hosi majistradu sira "ne'ebé la'ós timoroan" ne'ebé iha liu tinan 40 no pelumenus iha tinan 15 esperiénsia profisional durante períudu tranzitóriu ida ne'ebé, ba dala uluk, bele to'o entre tinan tolu no tinan lima.

Juís sira ne'ebé admiti liuhosi konkursu reguladu sira tuir lei ne'ebé aprova iha loron-sesta ne'e "bele hala'o knaar juridisional sira iha Tribunal Rekursu nian, inklui Kámara Konta nian", no lahó prejuízu iha kazu ne'e, "juís sira ne'ebé admitidu bele kaer knaar sira hosi asesor no mentór juís timoroan sira nian".

Diploma kalkula katak Konsellu Superior Majistratura Judisial nian no Prezidente Tribunal Rekursu nian promove "ho urjente, iha prazu loron 15 nia laran hahú hosi loron ne'ebé hala'o lei ne'e, inísiu ba konkursu hosi selesiona juís ne'ebé la'ós timoroan hodi hala'o knaar sira iha Tribunal Rekursu nian no iha Kámara Konta sira nian".

SAPO TL ho Lusa