Santa Cruz, rate ne'ebé simbóliku tebes iha Timor-Leste ne'ebé bandu ona hakohi mate foun

José Mesquita, serbisu iha rate hahú tinan 1970, fiar katak iha loron ida tomak labele hatene ema hira maka hakohi iha rate ne'ebé antigu liu no importante tebes iha Díli, rate Santa Cruz.

"Ha'u hanoin katak lahó semana ida bele hotu", nia hatete bainhira la'o iha rate sira nia leet, ne'ebé tau lahó orden no iha fatin tomak rate nian iha aldeia tolu - Bemori, Kintal Boot ho Balide - iha suku Santa Cruz, iha Díli.

No hanesan imposivel duni to'o iha pontu seluk rate nian tanba bainhira la'o tuir leet aumenta nafatin konfuzaun.

Tenki sama rate sira ne'ebé balun hanesan ema husik ona, iha dekorasaun ho rikusoin barak ka oituan, no ne'ebé iha azuleju kahur ho kór oioin, simenti, tijoli, fatuk no mós to'o restu sira hosi munisaun antigu sira.

"Laiha buat ida sama. Agora laiha ona fatin", Mesquita esplika no kontrata mós tempu hosi administrasaun portugeza hodi obriga husik kargu to'o tinan 1975, tinan invazaun indonéziu nian no iha 1987, bainhira nia kaer hikas nia knaar sira, ne'ebé nia okupa to'o ohin loron.

Até iha fatin tau ruin nian rua "nakonu hotu", hodi sai hanesan motivu atu, iha tinan rua liubá, Santa Cruz la simu ona rate foun sira. Tanba de'it laiha fatin: até to'o iha dalan ki'ik sira entre rate sira bele haree de'it fatik sira hodi taka rate sira ne'ebé laiha identifikasaun ne'ebé, tuir nia tamañu, hanesan rate hosi labarik sira nian.

Iha rate barak ne'ebé maka ema husik ka balun tanba família sira laiha kbiit hodi mantén ka balun hanesan rate ne'ebé laiha ona família ne'ebé hakbesik sira, hanesan kazu hosi estranjeiru sira ne'ebé hakohi iha rate ne'e: sivil ka militar portugés sira, sivil indonéziu sira ka iha mós kosok-oan vietnamita ida, Nguyen Chi Dyong, ne'ebé tuir identifikasaun moris de'it durante loron haat iha fulan-Setembru 2009.

Santa Cruz nakonu no la simu funeral maibé sai nafatin hanesan fatin peregrinasaun nian ba ema timoroan barak no estranjeiru sira, liuliu tanba nia papel iha istória ba luta hasoru okupasaun indonéziu.

Rate ne'e sai famozu, no iha loron-sábadu hanoin hikas tinan 25 bainhira militar indonéziu sira halo masakre Santa Cruz, momentu trájiku ida ne'ebé halo mudansa iha luta ba independénsia Timor-Leste nian.

Ema rihun rua resin maka la'o ba Santa Cruz hodi fó homenajen ba joven Sebastião Gomes ne'ebé elementu sira ho ligasaun ba forsa indonéziu oho iha loron balun antes iha bairu Motael.

Iha rate, militar indonéziu sira tiru hasoru multidaun no halo ema na'in 74 mate iha fatin. Iha loron sira tuirmai, joven na'in 120 resin mate iha ospital ka mate tanba perseguisaun hosi forsa okupante sira. Masakre ne'e filma hosi Max Stahl no atensaun internasional kona-ba Timor-Leste muda maka'as.

Iha liman-loos iha Sebastião Gomes nia rate ikusmai sai hanesan "símbolu" prinsipal hosi masakre 1991 nian. Joven, ne'ebé ema barak konsidera hanesan vítima dahuluk masakre nian, ne'ebé mate hafoin halo tiha tinan 18 iha loron 28 Outubru.

Estátua ki'ik ne'ebé halo dekorasaun iha nia rate ne'ebé nakonu ho ai-funan fresku no plástiku kór oioin, entre rate anónimu rua, ida ho simente ne'ebé iha de'it krús nakonu ho ferujen no rate ida seluk taka de'it ho fatuk.

Sebastião Gomes nia mate-isin halo parte iha zona ne'ebé foun hosi rate ida ne'ebé tama liuhosi portaun ki'ik no hosi kalsada portugeza ida ne'ebé maka Portugal selu iha tinan 2001 bainhira halo obra balun iha muru parte liur rate nian, asaun ida ne'ebé rekorda iha plaka simples ida iha portaun entrada iha parte liman-loos nian.

Iha parte loos plaka seluk nian, ho lian tétun, iha avizu ida "hijiene no saúde públiku" hosi Administrasaun Díli nian ne'ebé konfirma katak "Santa Cruz taka ofisialmente" ba funeral sira hahú hosi loron 27 Jullu 2014, ameasa ho "kastigu" ba ema ne'ebé la halo tuir avizu ne'e.

Hatene ona kona-ba loron taka nian maibé iha dúvida sira kona-ba loron loke rate ne'e.

Alberto Godinho, tinan 76, hela nafatin iha bairu maibé admiti katak la hatene loloos bainhira maka Santa Cruz loke hanesan rate, avansa ba tinan 1804. Ema sira ne'ebé serbisu iha rate hatete loron seluk ida ne'ebé pertense ba sékulu XX.

Inspesiona rate sira bele ajuda iha loron balun maibé loron la hetan loron loos tanba iha rate barak lahó identifikasaun, hanesan kazu hosi rate antigu sira, ho fatuk, ho degrau oioin no rate ida ho formatu kaixaun ne'ebé iha dekorasaun ho kruz ne'ebé prega iha fatuk ida.

Mármore dekora kampa antigu liu ne'ebé maka reportajen Lusa hetan ona, pelumenus entre sira ne'ebé identifikadu maka rate hosi alferes Francisco Duarte, "mate iha kombate iha Atabai, iha atake fatuk sira iha Bicari" iha loron 12 Jullu 1899.

Balun iha enfeita hosi munisaun sira funu nian no ho dekorasaun sira ne'ebé imponente hanesan tore kastelu nian iha Leovigildo de Mascarenhas Ingles nia rate elte "no hosi nia kompañeiru ida arma sira nian", ne'ebé mate iha loron 05 Agostu 1912 "bainhira serbisu ba nasaun nu'udar xefe Estadu Maior hosi Komando Militar Timór nian".

Mascarenhas Inglês, ne'ebé moris iha 1859, konsidera hanesan "ema ida ne'ebé deskobre akontesimentu petróleu nian, iha termu hosi lei mina sira ne'ebé hala'o daudaun", haktuir hosi istoriador José Manuel Brandão.

To'o sosa iha Inglatera ekipamentu hodi fura ne'ebé nia hakarak uza iha propriedade sira ne'ebé nia uluk iha iha Rai Noco, iha reinu Suai nian, maibé hafoin ne'e nia mate iha Funu Manufahi nian, iha revolta boot ida hasoru administrasaun portugeza.

Iha nia rate sorin ne'ebé hanesan mós rate antigu ida, lahó identifiaksaun no dekoradu, iha kanto haat ho munisaun ida ho 140 mm hosi artillaria, tau iha bola xumbu haat, iha ona tinan atus resin.

Iha marka sira seluk lakon daudaun ho tempu, hanesan ida hosi tenente-koronel José Eleutério da Rocha Vieira, ne'ebé mate iha loron ida ne'ebé susar hodi deskobre iha fulan-Outubru 1962 no ne'ebé mate hamutuk ho marku jeodéziku ida, númeru XXIV hosi Misaun Jeográfiku Timor nian iha tinan 1938.

Hanesan mós ho símbolu sira seluk iha rate Santa Cruz, rate ne'e hanesan rate abandonadu.

SAPO TL ho Lusa