Mina Tasi Timor Atu Maran, Deputada PN hateten Lalika Fiar Propaganda La’o Hamutuk

Dili, Relasiona ho projeksaun husi NGO Lao Hamutuk ne’ebe mak hatudu katak produsaun ba kampo minan Bayu Undan ho mina Kitan ne’ebe mak sei maran iha tempo besik, Deputada Brigida Antonia Correia iha Parlamentu Nasional husu atu publiku lalika fiar ONG ne’e nia propaganda.

Brigilda mos hatutan tan katak Governo sempre iha garantia ba nia povu ne’e tamba Timor Leste sei la monu ba kiak.“Timor leste laos dependete deit ba bayu undan, Maibe mos iha kampo sira seluk ne’ebe mak  sedauk deskobre.”dehan deputada Brigilda ba CJITL iha uma fukun Parlamentu Nasional, Terça (12/05).

“Timor Leste iha riko soin barak tamba durante ne’e governo liu husi ministerio petroliu rekursus naturais haruka ona peskizador ne’ebe mak professional husi internasional hodi hodi halo analiza ba rekusoin sira ne’e.”hatutan Brigilda ho konfiasa bo’ot ba governo liu-liu ministerio kompetente.

Tuir Brigida katak NGO Lao Hamutuk laos ema tekniko ne’ebe mak hatene konaba mina bainhira mak maran. “Sira la halo peskiza ne’ebe mak klaru, sira hatene relata deit no halo analiza ba dados no relatorio sira ne’ebe mak tama mai.”hatutan Brigilda ne’ebe mak hanesan dosente orientador ba estudante ida husi NGO lao Hamutuk Ne’ebe la remata nia tesse, maibe agora halo peskiza no  kritika makas ba governo.

Nia mos la satisfas ho NGO sira ne’ebe mak durante halo propaganda no halo kritika makas dehan governo sala no governo estraga osan no Timor oan mak tau malu.”bele kritika maibe tenki realistiku, no ita la bele diperalat husi ema seluk nia kepentingan, tamba ne’e mak ita Timor oan tenki kuidadu.” hatutan membro komisaun D, ne’ebe mak trata Asuntu Ekonomia no Desemvolvimentu nia hare.

Iha fatin hanesan, Vice Presidente Parlamentu Nasional Adriano Hugo da Costa hatutan katak koalia kona ba mina,” mina ne’e tempo ida sei maran no hotu tamba buat ida rekursu naturais ne’e buat ida não renovavel no laos esplora para sempre.” Hatutan Aderito.

Maibe, durante ne’e sira mos halo fiskalizasaun ba kampo Bayu Undan katak plataforma iha kampu ne’e tuir kontratu Production Sharing Contract ba kampo ne’ebe mak atu ninia produsaun tun, tamba ne’e Autoridade Nasional do Petroliu (ANP) mos halo hela servisu ida ne’e. “agora dadauk tekniku sira komesa modifika ona plataforma Bayu undan hodi bele esplora tan posu sira ne’ebe mak besik” Aderito hateten.

Alende ne’e, koalia konaba ba gasta husi fundu petroliu, tuir membro komisaun C ne’e mos hatutan tan katak Timor Leste iha lei fundu petrolifero ne’ebe  nia transparencia hetan rekonhesimentu iha mundu, primeiro iha Azia no terseiro iha mundu.

To’o noticia ne’e hatun CJITL sei tenta hela hodi halo konfirmasaun ho parte La’o Hamutuk konaba kritikas ne’ebe deputado sira halo hasoru ONG Nasional ne’e. Foto iha noticia ne'e foti husi portal TEMPO SEMANAL. (Niko CJITL/ Email: alumni.timor@gmail.com)

CJITL