Jornalista 21 Simu Sertifikadu Husi PN

Jornalista hamutuk 21 husi media elektronika ho media emprime iha Dili hetan sertifikadu husi Parlamentu Nasional (PN), hafoin tuir seminariu durante loron rua ne’ebe organiza husi PN.

Segundu Vise Prezidente PN Aderito Hugo da Costa hatete, lori parlamentu nia naran agradese tebes ba maluk jornalista sira ne’ebe mak ho disponibilidade bele tuir ona seminario ne’e.

Aderito hato lia hirak ne’e iha restaurante Ximangane Tibar, bainhira ensera seminario ho titlu ‘’Parlamentu Nasional Timor Leste E Os Jornalistas’’, Sesta (15/05/2015)

Deputado husi bankada CNRT ne’e hatete, ba oin nia sei tuir hamutuk ho divisaun relasaun publiku iha parlamentu, atu kontinua organiza fali eventu hanesan ne’e, maibe espesifiku liu, tanba organiza fali formasaun ka treinamentu ba maluk jornalista sira.

‘’intensaun final mak atu jornalista sira ne’ebe mak kobertura iha parlamentu ne’e bele kunhese diak liu tan parlamentu nia servisu no regras parlamentu nian bainhira atu toma desizaun ruma,’’ kulia Aderito

Parlamentu organiza seminario ne’e laos intensaun atu jornalista sira hakerek diak parlamentu. Jornalista sira livre nafatin halo publikasaun kona ba parlamentu no kritika ba parlamentu I kontinua halo Kontrolo social.

Aderito mos husu ba maluk jornalista sira ne’ebe mak kobertura iha area parlamentu ne’e tenki to tinan 1, tanba tuir Aderito atu kunhese didiak domina servisu parlamentu nian ne’e presija tempu.

‘’nune’e publiksaun kona ba parlamentu nian ne’e bele kompletu no klean, tanba media mos parte ida hari dezenvolvimentu, I ita hotu hakarak dezenvolviementu ba beins star povu,’’ tenik Aderito.

Iha fatin hanesan jornalista Joana da Cruz husi jornal Indenpendete hatete, nia sente kontenti no orgulhu bele tuir ona seminario ne’e, tanba husi seminario ne’e nia iha ona kunhesementu kona ba servisu parlamentu nian.

‘’Bain-bain ita hatene deit mak ajenda parlamentu nian iha loron Segunda ho Tersa halo plenaria no halo fiskalizasaun, maibe parlamentu nia servisu barak tebes, dala ruma sira servisu to kalan,’’ kulia Joana

Joana espera parlamentu bele organiza tan eventu hanesan ne’e hodi fo kunhesementu klean liu tan kona ba servisu parlamentu nian ba jornalista sira ne’ebe kobertura iha parlamentu hodi kria relasaun entre jornalista sira ho parlamentu. lia

Jornal Nacional