PROJETU SUPPLY BASE-PORTU TIBAR LA FO MORIS POVU

Direktur  Ezekutivu Hak Asasi dan Keadilan (HAK), Manuel Monteiro  Fernandes hateten,  projetu Suai Supply base no Portu Tibar sei la fo moris ba povu.

“Mai ami nafatin maka direitu fundamentu sira, asuntu be’e mos maka sai nafatin preokupasaun ema ita hotu ninian, be’e la iha ita mate  ona.  Portu  la iha ita la mate, drainazen la iha ita la mate, suai supply base la iha ita la mate,  be’e mos la iha  ita mate,”esplika Manuel Monteiro  Fernandes ba jornalista iha nia rejidensia Farol Dili Tersa (12/07).

Nune’e mos Manuel Monteiro Fernandes relembra hikas katak, haree iha Hospital Nacional Guido Valadares (HNGV) gas nakfera, tanba kualidade ladiak.

“Produsaun agrikula ita nafatin han fos lahuk husi Vietnam. Peskiza kolega sira husi  Estudante Tibar  ba fos  ne’ebe maka  ita hatama, sira hakiak manu fo han fos globus, fos kuda ulun, maibe husi fos sira ne’e fos rua deit maka kualidade diak,  fos jasmine ho fos  ita nian,,”dehan  Manuel Monteiro Fernandes.

Tanba  ne’e nia dehan,  produsaun agrikulla no irigasuan tenki investe  no hadia  kualidade ai han sira ninian mos.

“Saida maka akontese ba  ita nia politika dezenvolvimentu ita tau matan bo’ot liu fali ba mega projetu ne’ebe ninia orientasaun ne’e laos ba povu, ninia orientasaun ne’e  ba deit investor  sira liur, ninia efetu ne’e povu la senti,” katak Manuel Monteiro Fernandes.

Tuir nia observasaun, drainazen no estrada Dili laran ne’ebe maka halo diak tiha  sobu  fali depois  hadia fali, maibe estrada rural sira kontinua la diak, dalan ba Viqueque kontinua rahun no Suku sira mos a’at barak, oinsa maka atu motiva povu sira bele halo produsaun agrikula, se wainhira kareta la tama foti sira ninia produtu ba merkadu, ida ne’e desamina ema nia vonatede atu  halo.

“Politika  dezenvolvimentu ne’e maka    ita tenki hatur lolos  tuir faze por faze,”dehan Manuel Monteiro  Fernandes.avi

Jornal Nacional