SELEBRA 20 MAIU, TAUR SEI KONDEKORA SIDADAUN ESTRANJEIRU

Kirsty Sword Hetan Medalia Orden Timor Leste

DILI - Selebra Restauraun Independensia ba dala XIII, 20 Maiu 2015, Estadu Timor Leste sei komemora iha Munisipiu Bobonaro. Iha komemorasaun nee Estadu sei kondekora Sidadaun Estranjeiru nain 35 inkliu Kirsty Sword Gusmao.

Liu husi Konferensia Imprensa Xefi Casa Civil Fidelis Magalhaes hatete Prezidente Republika Taur Matan Ruak sei kondekora sidadaun Estranjeiru nain 35, nebe mak fo sira nia kontribusaun ba luta auto determinasaun Povu Timor Leste ninian.

Fidelis Hatete Sidadaun Estranjeiru nebe mak hetan Kondekorasaun husi estadu mai husi Portugal, Australia, Canada, Estadus Unidus Amerika, Irlanda, Indonesia no mos Filipinas.

Ita nia presizente Republika sei Kondekora Sidadaun Estranjeiru nain 35 no kondekorasaun nee sei halo iha Munisipiu Bononaro,” dehan Fidelis ba Jornalista Tersa (05/05/2015) liu husi Konferensia Imprensa iha Palasiu Prezidensial Nicolao Lobato.

Iha fatin ketak Deputadu Bankada Fretilin Francisco Miranda Branco hatete Kirsty Sword Gusmao Merese duni atu hetan kondekorasaun tamba kleur tebes enkaixa Aan iha Timor Leste ninia luta rezistensia. Informasaun kompletu iha STL Jornal no STL Web, edisaun Kuarta (06/4/2015). Timotio Gusmão

Suara Timor Lorosae